Nota de Prensa
A CORPORACIÓN DE FOZ APROBA POR UNANIMIDADE UNHA MOCIÓN DO BNG EN DEFENSA DA AREA SANITARIA DA MARIÑA
O portavoz municipal, González Basanta, puntualiza: “O PP non pode seguir enganando á xente debaixo da pel de cordeiro no tema sanitario”
O pleno da corporación de Foz aprobou por unanimidade unha moción do BNG no que se pedía defender o mantemento do mapa sanitario de Galiza no que atinxe á área de saúde da Costa, mantendo a área sanitaria da Mariña, con todas as competencias que ten na actualidade e ampliando os servizos que conta na actualidade. Esta última petición foi aportada polo grupo municipal do PP non tendo ningún problema o BNG en adherila ao texto orixinal porque nos parece importante que os servizos tanto dos distintos Centros de Saúde coma do Hospital da Costa aumenten en número e en calidade. Só así os veciños da Mariña poderán sentirse ben atendidos.
Se ben confiamos en que o voto do grupo municipal do PP é sinceiro non podemos deixarnos enganar por un partido político que a nivel do goberno da Xunta intenta aplicar as mesmas políticas sanitarias privatizadoras que están a aplicar noutras comunidades gobernadas por eles como Madrid ou Valencia. Tanto é así que xa puxeron en marcha sistemas de xestión mixta na construcción de Centros de Saúde e de Hospitais que consisten en que a Xunta pon os cartos e as empresas privadas xestiónanos como queren, buscando un negocio rendábel que dea os máximos beneficios posibéis. A Consellaría que dirixe Pilar Farjas xa aplicou este sistema ao novo Hospital de Vigo e quere o facer co de Lugo e con 23 novos centros de atención primaria. Polo contra, este ano a Xunta dedica 60 millóns de euros menos nos orzamentos a esta área cunha clara intención de baleirar o carácter público da sanidade desviando fundos para a xestión e a atención privada. A privatización da xestión dos centros sanitarios significa menos recursos humanos, menos contratacións, máis precariedade de servizos e un empeoramento da asistencia sanitaria porque os beneficios empresariais van primar sobre o interese público.
A supresión da área sanitaria da Costa ou a xestión centralizada en Lugo -seguramente privada-, significaría ao ver do Grupo Municipal do BNG unha merma na calidade asistencial que se lle presta á poboación de Foz e non pode consumarse porque sería avanzar no desmantelamento de servizos da Mariña, particularmente nunha cuestión central como é a atención sanitaria; por iso convida a todos os focegos e focegas a mobilizarse para defendelos.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.