NOTA DE PRENSA
PARA O BNG “VIVEIRO TEN QUE REAXIR , NON PODEMOS SEGUIR MARXINADOS”
O Bloque Nacionalista Galego de Viveiro considera que as manifestacións feitas polo Conselleiro de Obras Públicas e Medio Ambiente, Agustín Hernández, no marco da presentación pública das actuación do seu departamento na provincia, supoñen unha auténtica labazada aos veciños e veciñas de Viveiro. Afirmar que “ se ben o tramo San Cibrao-Celeiro estaría rematado no horizonte de 2013, tanto a variante de Viveiro como o tramo Viveiro – O Barqueiro non estaría rematado ate 2017” non pode deixarnos sen resposta.
“ Temos que reaxir, non podemos ficar calados e seguir marxinados—afirmou o concelleiro nacionalista Xosé Antonio Goás Basanta—xa que Viveiro nestes momentos é a localidade con peores comunicacións e a política do Partido Popular vai camiño de perpetuar a situación”.
Para o BNG, os veciños e veciñas de Viveiro están fartos de tanto aprazamento. Ou é que non se comprometeron, no 2001, sendo Cuiña Conselleiro e Cascos, ministro do Goberno Español, a que o remate da VAC Barreiros – Ferrol sería no 2007? E cantas veces ten anunciado o señor Nuñez Feijoo, sendo conselleiro do Goberno Fraga, o comenzo do tramo Landrove-Xove da VAC?
E os alcaldes do PP non se lembran xa da súa concentración diante do Concello de O Vicedo cando os orzamentos tiñan máis dotación para esta obra? Que van facer agora cando o Goberno que apoian reduce nun 75% as aportacións para esta importante vía de comunicación?
O BNG de Viveiro, considerando que hai un incumprimento dos prazos por parte das administracións comprometidas na obra e que compre un impulso inversor e a definición dun cronograma que garanta prazos de execución, defenderá unha Moción para que a Corporación Municipal de Viveiro inste á Xunta de Galiza e ao Goberno do Estado a que procedan a acordar un cronograma con prazos e consignacións orzamentarias suficientes que permitan rematar a Vía de Alta Capacidade Barreiros-Ferrol no horizonte de 2014.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
