CERVO .- A asociación Mulleres en Igualdad de Cervo reclama medidas para a loita conta a violencia de xénero e, asegura, “quere reiterar o seu firme compromiso na loita contra unha das peores lacras que sofre a nosa sociedade e que desgraciadamente costa a vida anualmente a decenas de mulleres”
Nota de Prensa
O número de mulleres asasinadas por violencia de xénero no que levamos de ano é de 56
MULLERES EN IGUALDADE RECLAMA A CREACIÓN DUN XULGADO EXCLUSIVO PARA A VIOLENCIA DE XÉNERO EN LUGO E LAMENTA QUE O PSOE NON ESTEA POLA LABOR DE FORZAR AO GOBERNO CENTRAL A FACELO
• O colectivo denuncia que faltan medios e recursos para loitar contra esta lacra e o funcionamento dos medios de prevención e auxilio é manifestamente mellorable, recaendo en moitos casos no peso das Comunidades Autónomas e dos Concellos
• Si valoran positivamente o anuncio efectuado polo Conselleiro de Presidencia da Xunta de Galicia quen adiantou que destinará boa parte dos novos efectivos policiais que o Goberno central debe asignar á Policía Autonómica a loitar contra a violencia de xénero e a temas relacionados coa protección do menor
A Mariña lucense, 24 de novembro de 2009.- Ante a celebración do 25 de novembro do Día Internacional Contra a Violencia de Xénero, a asociación Mulleres en Igualdade de Cervo quere reiterar o seu firme compromiso na loita contra unha das peores lacras que sofre a nosa sociedade e que desgraciadamente costa a vida anualmente a decenas de mulleres.
Os poderes Públicos, as institucións, as asociacións e os cidadáns, debemos involucrarnos, de xeito conxunto na loita contra o maltrato que sofren moitas mulleres, non podemos consentir que a violencia de xénero cada vez vaia a máis: O número de mulleres asesinadas no que levamos de ano é de 56.
FALTAN MEDIOS E RECURSOS
A pesar de que se teñen tomado medidas para combater esta lacra tanto a nivel Estatal como Autonómico, como a aprobación de novas leis e regulamentos, o resultado é desolador; faltan medios e recursos e o funcionamento e manifestamente mellorable, recaendo en moitos casos o peso nas Comunidades Autónomas e nos Concellos
ANOS DESPOIS DE APROBAR A NOVA LEI AS MULLERES NON SE SENTEN MELLOR ATENDIDAS
Informes como o do propio Defensor del Pueblo, o do Amnistía Internacional reflicten a frustración das expectativas xeradas pola Lei, as súas debilidades e cómo, tras anos dende a súa entrada en vigor, as mulleres non están máis protexidas nin se senten mellor atendidas polas administracións Públicas.
Actualmente hai déficits de policías, de xulgados exclusivos de violencia de xénero e os xulgados compartidos se encontran desbordados polo número de casos de violencia de xénero. Así mesmo, os informes para determinar o nivel de risco o que está sometida a vítima de violencia de xénero están resultando pouco efectivos para determinar o grao de risco e as medidas a adoptar.
LUGO E GALICIA ESQUECIDOS POLO GOBERNO CENTRAL
Galicia rematará un novo exercicio coa lamentable marca de ser a comunidade peor parada por vontade do Goberno de Zapatero, tanto na asignación de órganos xudiciais, como de medios humanos e materiais para aplicar a lei integral contra a violencia de xénero.
Tan só as provincias da Coruña e de Vigo dispoñen de Xulgados exclusivos para a loita contra a violencia de xénero. Lugo volve a quedarse fora das previsións do Goberno central que ademais dos 36 novos órganos xudiciais reclamados pola Xunta tan só concedeu 9, ningún deles destinado a loita contra a violencia machista.
Desde o colectivo cervense lamentan que ás concelleiras e cargos públicos do PSOE lucense non estean pola labor de esixir a creación destes xulgados e de forzar ao Goberno de Zapatero a cumprir con Lugo. “Están máis preocupados en facer actos públicos, importantes e necesarios pero que non deixan de ser propaganda, en reclamar alí onde deben facelo unha mellor atención e loita contra a violencia sexista”
POLICÍA AUTONÓMICA CONTRA A VIOLENCIA DE XÉNERO E POLA PROTECCIÓN DO MENOR
Ademais diso Mulleres en Igualdade denuncia que seguen sen incrementarse os medios humanos asignados ás unidades dos corpos e forzas de seguridade do Estado que actúan no ámbito da violencia de xénero en Galicia. Pero si valoran positivamente o anuncio efectuado polo Conselleiro de Presidencia da Xunta de Galicia, Alfonso Rueda quen adiantou que destinará boa parte dos novos efectivos policiais que o Goberno central debe asignar á Policía Autonómica a loitar contra a violencia de xénero e a temas relacionados coa protección do menor
MEDIDAS TAMÉN NO ÁMBITO LOCAL
Mulleres en Igualdade de Cervo apunta como medidas necesarias a posta en marcha de xeito periódico e coordinado cas Corporacións Locais e Centros de Información a Muller, campañas de información e sensibilización que teñan como obxectivo mudar os estereotipos sexistas e que incidan no rexeitamento social sobre todas as formas de violencia de xénero. Ditas Campañas deberán centrarse especialmente nos centros escolares, educativos, sociais, sanitarios, laborais, culturais e deportivos.
Emprazan tamén ao Goberno central a espallar por todo o territorio nacional as Oficinas de Atención a vítimas e facer efectiva a asistencia letrada inmediata. Peticións nas que lamenta non contar co apoio do PSOE, máis preocupado en facer actos de propaganda que en reclamar medios e actuacións que deberan impulsarse desde o Ministerio de Igualdade
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
