SANTIAGO .- O Instituto Galego da Vivenda e Solo inclúe nos orzamentos do 2010 unha partida para a redacción dun Plan Especial de Ordenación e a realización dos traballos técnicos necesarios para o desenvolvemento dos parques empresariais de Alfoz e O Valadouro (Lugo), que se executarán en función da demanda real de solo empresarial existente en cada un dos concellos. Os ámbitos de ambos parques atópanse contiguos, so separados pola estrada Ferreira-Foz.
Nota de Prensa
IGVS e Xestur realizarán en 2010 os traballos de planeamento necesarios para o desenvolvemento do parque empresarial de Alfoz-Valadouro
*
Os traballos dirixidos á construción de ambos parques foron iniciados en 2004, pero en 2005 a Consellería de Vivenda decidiu desfacer todo o feito e iniciar un procedemento que non garantía o solo empresarial en Alfoz, xa que unicamente encargou o plan de sectorización dunha fase do parque de O Valadouro
*
Os ámbitos dos dous parques están contiguos, so separados por unha estrada.
Santiago, 26 de novembro de 2009.- Os orzamentos do Instituto Galego da Vivenda e Solo e de Xestur Lugo para 2010 inclúen unha partida orzamentaria para a redacción dun Plan Especial de Ordenación e a realización dos traballos técnicos necesarios para o desenvolvemento dos parques empresariais de Alfoz e O Valadouro (Lugo), que se executarán en función da demanda real de solo empresarial existente en cada un dos concellos. Os ámbitos de ambos parques atópanse contiguos, so separados pola estrada Ferreira-Foz.
Xunto co Plan Especial de Ordenación realizaranse os traballos técnicos complementarios, como son os estudos xeotécnicos, arqueolóxico, parcelario e topográfico.
Os trámites para a construción dos parques empresariais de Alfoz e O Valadouro comezaron en 2004, cando se realizou un estudo de viabilidade técnico, complementado a comezos de 2005 por outro económico e refundidos ambos nun so estudo en febreiro de 2005.
Posteriormente a Consellería de Vivenda o que fixo foi desbotar os estudos de viabilidade recibidos do goberno anterior e encargar un novo estudo de viabilidade que en agosto de 2006 determinou que o solo empresarial de Alfoz e O Valadouro se desenvolvería en tres fases, dúas delas no Valadouro e unha en Alfoz. Este estudo indicaba que en primeiro lugar se desenvolvería unha das fases emprazadas no concello de O Valadouro, entre o cemiterio e a estrada que vai cara Cangas. A segunda fase, correspondente ao concello de Alfoz, so se iniciaría cando estivera vendido polo menos o 80 por cento do solo da primeira fase.
Con tal fin, o bipartito encargou a redacción dun plan de sectorización que inclúe unicamente a primeira fase do parque empresarial, emprazada no concello do Valadouro, sen previsión ningunha de como se acometería no seu momento a segunda fase, ao carecer de planeamento o concello de Alfoz.
Coa solución adoptada agora polo IGVS, ambos parques empresariais desenvolveranse de maneira independente e en función da demanda real en cada un dos concellos
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
