LOURENZÁ .- A Concellería de Xuventude de Lourenzá, da que é responsable Guadalupe Flórez Seivane, programou variadas actividades de Nadal que se extenden dende o mércores, 23 de decembro ata o martes 4 de xaneiro. O lugar para anotarse para os obradoiros, xogos e Xuvenlugo, é a biblioteca en horario de 17:30 a 20:00 horas. Nos tres casos, as prazas son limitadas, polo que se respectará a orde de inscrición.
PROGRAMA
Mércores, 23 de decembro: Ás 18:00 h., visita de Papá Noel á Casa do Concello, recepción a tódolos nenos con entrega de lambetadas. A continuación, a compañía Tarabelos, ofrecerá o espectáculo “Un Nadal cheo de contos”, no Salón de Actos da Casa da Cultura.
Luns, martes e mércores: 28, 29 e 30 de decembro: Obradoiros de Nadal: “Postais e adornos navideños”. Xogos de interior: “Mañás a xogar… no Nadal” en dous grupos, segundo as idades: de 5 a 8 anos, e de 9 a 14 anos; data límite para anotarse: mércores, 23 de decembro.
Luns, 4 de xaneiro: Viaxe a Xuvenlugo para rapaces de 6 a 20 anos; data límite para anotarse: mércores, 30 de decembro.
Martes, 5 de xaneiro: Cabalgata de Reis a partir das 18:00h,. Saída do Albergue e percorrido polas rúas ata chegar ó Concello, onde os Reis recibirán a tódolos nenos que se acheguen a saudalos. Ó remate, o espectáculo músico-teatral “Contando aos sete ventos” a cargo de Manolo Panforreteiro, no Salón de Actos da Casa da Cultura.
O lugar para anotarse para os Obradoiros, os Xogos e Xuvenlugo, é a Biblioteca en horario de 17:30 a 20:00 horas. Nos tres casos, as prazas son limitadas, polo que se respectará a orde de inscrición.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
