CERVO .- A Xunta destina 20 mil euros ao acondicionamento de beirarrúas na praza Federico Mon. O alcalde de Cervo, Alfonso Villares, lembrou que a boa sintonía existente entre os actuais responsables da Xunta e o equipo de Goberno local está a posibilitar a materialización de vías de axuda e colaboración mutua “de cara a continuar coa mellora e ampliación de espazos urbanos e de servizos nos distintos núcleos de poboación do municipio”.
Nota de Prensa
A achega procede dun convenio subscrito entre o Concello de Cervo e a Consellería de Presidencia
A XUNTA DE GALICIA DESTINA 20.000 EUROS AO ACONDICIONAMENTO DE BEIRARRÚAS NA PRAZA FEDERICO MON
* A obra ten un presuposto total de 25.000 euros
* A zona onde se acometen as obras é moi frecuentada por nenos, ao estar alí o colexio público
Cervo, 18 de decembro de 2009.- O alcalde de Cervo, Alfonso Villares, anunciou que a Consellería de Presidencia, Administracións Públicas e Xustiza da Xunta de Galicia destinou 20.000 euros ao acondicionamento de beirarrúas na Praza Federico Mon, no núcleo de poboación de Cervo.
Segundo explicou Villares, esta achega económica procedente da administración autonómica ven fixada a través dun convenio de colaboración subscrito entre a Consellería de Presidencia e o Concello de Cervo de acordo co Programa operativo FEDER de Galicia 2007-2013 e cuxo obxecto é a dotación de infraestruturas de uso público en ámbitos urbanos e rurais de Galicia.
O alcalde cervense indicou que a cantidade restante ata completar o montante total da obra (25.000 euros) procede de fondos municipais. Villares valorou moi positivamente esta actuación, “xa que se trata dunha zona moi frecuentada por nenos ao estar alí situado o colexio de Cervo e moi preto tamén estamos a desenvolver outras actuacións coma a apertura dun novo vial. Por iso, penso que esta obra contribuirá a mellorar o entorno urbano da capital do municipio e posibilitará máis comodidades tanto para os peóns como para os vehículos que transitan por esta zona” salientou.
Agradecemento aos veciños
Alfonso Villares quixo agradecer publicamente a boa disposición dos veciños da zona, os cales colaboraron co Concello cedendo o terreo necesario para poder facer estas beirarrúas. “Hai que recoñecer a boa predisposición dos donos dos terreos para levar adiante esta obra e iso é algo polo que o Concello e todos os veciños do municipio temos que dar as grazas” indicou o alcalde.
O primeiro edil de Cervo lembrou tamén que a boa sintonía existente entre os actuais responsables da Xunta e o equipo de Goberno local está a posibilitar a materialización de vías de axuda e colaboración mutua “de cara a continuar coa mellora e ampliación de espazos urbanos e de servizos nos distintos núcleos de poboación do municipio”.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
