Na actividade participaron o doutor Francisco Pintado, do Hospital da Costa, e a portavoz Delia Lorenzo, da Alcer Lugo
BURELA .- A Oficina de Coordinación de Transplantes de Galicia ofreceu unha charla divulgativa sobre a doazón e o transplante no instituto de educación secundaria Perdouro de Burela. A finalidade da iniciativa é a de concienciar aos escolares sobre a importancia de doar órganos. “Un dos obxectivos transversais do IES Perdouro, señala a vicedirectora Karina Parga, é concienciar e sensibilizar os seus alumnos e alumnas sobre a saúde, a consecución de hábitos de vida saudables e a solidariedade.
Nota de Prensa
Concienciar aos escolares sobre a importancia de doar órganos é o obxectivo dunha charla divulgativa sobre a doazón e o transplante que acaba de impartir a Oficina de Coordinación de Transplantes de Galicia no IES Perdouro de Burela.
Esta iniciativa do Sistema Público de Saúde galego, en colaboración coa Consellería de Educación e Ordenación Universitaria, responde á necesidade de motivar e informar aos rapaces de Galicia dada a alta tasa de negativas familiares á doazón.
Neste sentido, a Oficina de Coordinación de Transplantes de Galicia traballa para ofrecer información aos alumnos sobre o que supón este acto altruísta que axuda a salvar vidas.
Un dos obxectivos transversais do IES Perdouro, señala a Vicedirectora Karina Parga, é concienciar e sensibilizar os seus alumnos/as sobre a saúde, a consecución de hábitos de vida saudables e a solidariedade.
Estudantes do IES Perdouro de Burela tiveron a oportunidade de coñecer detalles do proceso de doazón e transplantes da man do Doutor Francisco Pintado do Hospital da Costa e dunha portavoz da Asociación da Loita contra Enfermidades Renais (Alcer Lugo), Delia Lorenzo.
O Dr. Pintado explicoulles aos alumnos de 4º da ESO do IES Perdouro de Burela como se activa o protocolo de doazón e transplantes. Cando unha familia acaba de perder a un ser querido, os médicos teñen que plantearlle a posibilidade de doar os órganos desta persoa en morte cerebral ou en parada cardiorrespiratoria. Explicoulles o concepto de morte cerebral e como afrontan a manipulación do cadáver recalcando o respecto do tratamento do corpo. Os alumnos escoitaron detidamente os detalles sobre a extracción e os implantes de órganos sólidos como o corazón, o fígado, o roñón, o pulmón ou o páncreas, e de texidos, como osos, corneas, tendóns, ou válvulas cardíacas.
A testemuña dunha receptora: Delia Lorenzo, portavoz de Alcer Lugo e receptora de dous transplantes de roñóns.
Cando tiña dous anos diagnosticáronlle unha insuficiencia renal. Explicoulles aos rapaces a súa forma de vida peculiar e a dieta rigorosa que tivo que seguir durante a súa adolescencia mentres os seus amigos bebían e comían o que querían. Ao rematar o instituto, empezou un agresivo tratamento de hemodiálises que lle impedía levar unha “vida normal”. Aos vinte e catro anos operárona e foi a súa nai quen lle doou un roñón. Despois de ser transplantada mellorou notablemente a súa saúde, tanto foi así que puido ser nai de dúas fillas. Mais uns anos máis tarde, detectáronlle un cancro de tiroides. Estivo tratada contra o cancro pero o seu único roñón non aguantou a radioterapia e quimioterapia, e deixo de funcionar. Entón mentres esperaba por un órgano compatible, tivo que facer varias diálises peritoneais, operación moi delicada de 10 horas ao día, tendo a precaución de ter todo esterilizado para non sufrir ningunha infección. Aos corenta anos, un día, chamárona de Santiago para comunicarlle que había un roñón para ela. Emocionouse moito ao contar que grazas a dor unha familia que quixo doar os órganos de seu familiar falecido, estaba hoxe connosco contando a súa experiencia como receptora de órganos. Despois deste segundo transplante, vive de novo unha vida normal cos seus e agradece de todo corazón a aquela familia que co seu xesto puido salvar ata 5 persoas.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
