LUGO .- O responsable de Infraestruturas da deputación reuniuse coas empresas da conservación da rede viaria e explicoulles as novas liñas de traballo que permitirán mellorar a capacidade de resposta ante as emerxencias.
Nota de Prensa
A Deputación mellora o sistema de control das incidencias por efectos do temporal
– O Deputado de Infraestruturas reuniuse coas empresas da Conservación e explicoulles as novas liñas de traballo que permitirán mellorar a capacidade de resposta ante as emerxencias
– Baixo a supervisión do equipo de Vías e Obas, as empresas terán que emitir un parte diario, especificando o dispositivo empregado
O Deputado de Infraestruturas, Manuel Martínez, mantivo este venres unha xuntanza cos representantes das empresas ás que a Deputación ten axudicada a Conservación Integral da rede viaria provincial. No encontro, no que participaron unhas 20 persoas, Manuel Martínez explicou o novo sistema de control que vai poñer en marcha o departamento que dirixe, e que permitirá mellorar a capacidade de resposta ante as emerxencias.
Esta medida consiste en que a partir de agora, as empresas concesionarias terán que emitir ó servizo de Vías e Obras un parte diario, especificando non só a incidencia rexistrada, senón o dispositivo empregado. É dicir, número de vehículos, operarios, toneladas de sal repartidas, etc. Deste xeito, o departamento contará cunha persoa que será a encargada de controlar que as empresas cumpran o acordo establecido. Con este sistema, a atención das incidencias será moito máis rápida, o que contribuirá a que a seguridade dos cidadáns sexa maior.
O responsable de Infraestruturas matizou que “o traballo levado a cabo ante os temporais de neve, vento e auga das últimas semana foi positivo. Con todo, non nos conformamos e queremos matizar cousas para chegar ó máximo control das actuacións destas concesións. Entre as novidades que incluímos no servizo é que as empresas van ter que emitir un parte diario no que se faga constar as actuacións realizadas para evitar as molestias ós cidadáns, garantíndolles a súa seguridade”.
O Deputado provincial salientou que se seguirá colaborando cos Concellos para que a circulación durante o inverno polas vías provinciais sexa o máis segura posible, ó tempo que aproveitou a ocasión para pedirlles ás empresas “un maior esforzo e unha maior esixencia de resposta ante os temporais que poidan xurdir ó longo destes meses”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
