RIBADEO (FNC) . O alcalde de Ribadeo, Fernando Suárez, ordenou onte unha nova execución subsidiaria no casco vello por parte do Concello. Os operarios tiveron que actuar nun inmoble da rúa Villafranca del Bierzo, que conta cun establecemento hostaleiro na planta baixa. Os propietarios do edificio fixeron caso omiso aos requirimentos do Concello no senso de eliminar os perigos existentes na súa fachada e así evitar que caesen á vía pública.
Suárez Barcia explicou que “no día de onte nunha céntrica rúa de Ribadeo, cun establecemento hostaleiro no seu baixo, tiven que ordenar a execución subsidiaria dunha cousa menor. Despois de ser reiterado en dúas ocasións, a segunda delas cun prazo moi concreto de que tiña que adoptar medidas para eliminar unha especie de tinglado posto de xeito provisional, e despois de que a propiedade fraccionada fixera caso omiso o Concello tivo que facer esta execución subsidiaria da que posteriormente lle pasará os custes e as cargas que procedan a eses propietarios”.
O rexedor dixo hoxe que “queda moito por facer, pero nestes dous anos e medio fixemos cousas moi importantes, a algunha xente non lle gustan moito, pero outros aplauden o que estamos a realizar contra o abandono moitas veces manifesto, deixado e ás veces tamén malintencionado dalgúns propietarios de inmobles moi significativos no casco vello”.
Fernando Suárez considera que “as medidas estannos dando moito resultado e os dous esquemas de traballo que temos no casco vello tamén. Por un lado, man tendida, diálogo e colaboración con todos aqueles que queren rehabilitar os seus inmobles, a través da oficina do ARI cos convenios que temos asinados co ministerio e coa Xunta de Galicia coa colaboración dos técnicos do Concello; e por outro actuamos contra aqueles propietarios cos que non hai maneira de dialogar, non queren rehabilitar, non aceptan vender, non o queren ceder e que ademais son inmobles que supoñen perigo público”. O alcalde amósase “particularmente satisfeito, aínda que ás veces non me guste tomar estas medidas de aplicar estritamente o que marca a lei e as facultades que lle da ao alcalde para garantir a seguridade, salubridade e ornato”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
