CERVO .- Representantes do organismo Augas de Galicia, de Alcoa e o alcalde de Cervo, Alfonso Villares, firmaron a última hora da mañá de hoxe a acta complementaria de expropiación dunha finca de titularidade da multinacional do aluminio para levar adiante os traballos de construción da rede de canalizacións que comunicará mediante un sistema de bombeo os depósitos da Senra (que abastecerán de auga aos municipios de Cervo e Burela) co embalse de Río Cobo.
Este actuación forma parte dos traballos da futura rede de abastecemento de auga dos concellos de Cervo e Burela que está a executar Augas de Galicia e ten por obxecto garantir o subministro a todo o termo municipal en casos de emerxencia por problemas de seca.
Segundo indicou o rexedor, o trámite burocrático de hoxe é “un paso máis” cara á materialización do obxectivo do Goberno local “de proporcionar uns servizos básicos e de calidade a tódalas vivendas e recunchos do noso termo municipal” dixo o alcalde.
Prioridades
Villares lembrou que a prioridade do Goberno local respecto das obras do abastecemento dos concellos de Cervo e Burela foi en todo momento que as zonas do rural non se viran discriminadas respecto dos grandes núcleos de poboación.
A este respecto recordou que un dos logros acadado no seu momento polo Concello de Cervo foi que ditas obras comezaran pola construción da estación de tratamento de augas potables (ETAP) de Rúa “o que permitirá que se dea prioridade ao abastecemento de núcleos como Rúa e San Román; os cales, se están a ver afectados por estas obras e deste xeito serán tamén os primeiros en beneficiarse da nova rede de subministro como é lóxico, pois tamén son onde se están a facer a maior parte das obras” indicou.
O alcalde lembrou tamén que estas reclamacións, xunto con outros detalles técnicos desta obra que afecta aos municipios de Cervo e Burela, foron explicados e consensuados ao longo dos últimos anos en distintas xuntanzas con veciños das áreas afectadas, “e polo tanto, non responden a un capricho particular do Goberno municipal, senón á necesidade de priorizar o interese dos veciños de Cervo por enriba de calquera outra cousa”.
Prescíndese do bombeo
Alfonso Villares recalcou que a obra de conexión entre os depósitos da Senra e Río Cobo só entraría en funcionamento en casos “moi puntuais” que esixan aportar auga de Río Cobo á rede de abastecemento de Cervo e Burela e recordou que a futura rede terá coma vantaxe para Cervo a eliminación dos dous puntos de bombeo que actualmente existen no termo municipal. “Cando esta nova rede de auga entre en funcionamento todos os veciños do noso concello recibirán a auga por gravidade, co conseguinte aforro económico que isto supón. Poderemos, pois, prescindir dos actuais bombeos do río Rato e do río Cobo, e só se utilizaría o bombeo entre o río Cobo e a Senra en casos de extrema urxencia e necesidade” asegurou.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
