RIBADEO (FNC).- O alcalde convocará unha xunta informativa de urbanismo a vindeira semana para analizar as suxerencias formais que o Concello lle plantexará á Xunta sobre o Plan de Ordenación do Litoral. Fernando Suárez valora de xeito positivo o encontro mantido esta mañá en Santiago co director xeral de Sostibilidade e Paisaxe e ao que asistiron técnicos e os portavoces municipais.
O rexedor de Ribadeo sinalou que “fomos dos primeiros Concellos en ser recibidos polo director xeral de Sostibilidade e Paisaxe e somos dos poucos Concellos que convocamos ao resto dos portavoces dos grupos políticos. Alégrome de que viñeran todos, ainda que hai uns días dous deles dixeran que non ían vir e ao final acudiron, porque alí onde se discuten e se acordan cousas de interés para Ribadeo, entendo que debemos estar todos, como así foi”.
Suárez Barcia dixo tras a longa reunión mantida en Compostela que “Manuel Borobio manifestou a respecto do plan xeral aprobado inicialmente hai prácticamente dous anos polo Concello de Ribadeo que non son grandes as diferencias contempladas polo POL e polo PXOM. Teremos que matizar e xustificar algunhas cuestións e quédome coa boa sintonía ou coa palabra de Manuel Borobio, outra cousa é que eso se materialice cando nós enviemos as suxerencias ao Plan de Ordenación do Litoral e que éstas poidan ser recollidas”.
O alcalde explicou que “todos fixemos fincapé en que cando aproben inicialmente o POL deben contar con normas, con disposicións transitorias para aqueles plans que, como o noso, estean xa nunha fase moi avanzada de tramitación ou encarando o final e que non supoña que unha aprobación inicial do POL poida trastocar todo o traballo feito ata o de agora”. Fernando Suárez confía nas manifestacións do director xeral “nas que di que o PXOM non discrepa tanto do POL, e agardemos que aparezcan específicamente eses réximes transitorios para tratar diferente a aqueles Concello que, como Ribadeo, teñen intención manifesta de aprobar o PXOM porque están xa nunha fase moi avanzada de tramitación. Manuel Borobio se refería a eso neste encontro, á necesidade de contemplalo porque hai moitos Concellos que non teñen plan, nin avance nin nada de nada… hai que facer unha discriminación positiva cos Concellos coma o de Ribadeo. Espero e desexo polo ben do territorio municipal de Ribadeo que esas palabras non caigan en saco roto”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
