LUGO .- Esta tarde, o delegado da Área de Cultura da Deputación, Antonio Veiga, presentou o proxecto de circuítos teatrais “Buxiganga”, un programa innovador e pioneiro posto en marcha pola Área de Cultura da Deputación para o impulso ao teatro sustentado no apoio aos grupos de teatro afeccionado lucenses, que xa o ano pasado na súa primeira edición acadou un éxito rotundo. Na presentación, celebrada no Museo do Mar de San Cibrao, Antonio Veiga estivo acompañado de Paloma Lugilde, como representante do grupo de teatro do Consello da Cultura da Deputación (órgano asesor e consultivo en materias culturais).
Antonio Veiga afirmou que a Área de Cultura da Deputación puxo en marcha o programa “co obxectivo de potenciar o teatro en todas as súas vertentes como un elemento de transmisión cultural”, e manifestou a aposta da Deputación por dinamizar o traballo dos colectivos culturais mariñaos. Deste xeito, Veiga expresou que con este programa “ofrecémoslle a todos os grupos de teatro da Mariña –que están a desenvolver un encomiábel traballo- a posibilidade de aumentar o seu número de representacións das súas montaxes teatrais”. Antonio Veiga lembrou que “chegaron a crearse dous novos grupos de teatro na Mariña, o grupo O Batán en Foz e o grupo de TeatroCrea en Viveiro, co que se está vendo cumprido o obxectivo que nos marcamos de continuar ampliando a participación a través do teatro”.
O delegado de Cultura da Deputación indicou que, este ano, con respecto ao 2009, ademais de incrementárense o número de grupos de teatro, incrementouse o orzamento xeral do proxecto até aproximadamente 75.000 euros, o que vai permitir que todos os 16 grupos de teatro afeccionado que participan no programa sumen en conxunto 90 funcións polos diferentes concellos de Lugo. Ademais, Antonio Veiga destacou que case a metade dos grupos de teatro que participan en Buxiganga son da Mariña (sete de dezaseis en total), e estes grupos realizan grazas ao apoio da Área de Cultura da Deputación un total de 40 actuacións por diferentes concellos lucenses. Os grupos de teatro da Mariña dentro do proxecto Buxiganga son: A Adala, Axóuxere se Batán de Foz, Ardora de San Cibrao, o Bordelo de Cervo, Raiolas de Alfoz e TeatroCrea de Viveiro. Ademais, os concellos tamén se benefician deste programa ao acoller diferentes concellos mariñaos un total de 25 actuacións teatrais subvencionadas pola Área de Cultura da Deputación.
Por outra parte, Antonio Veiga tamén anunciou que a Casa da Cultura de Burela, dentro do programa de formación introducido este ano como novidade en Buxiganga, acollerá un curso de técnicas interpretativas que se desenvolverá o 3, 10, 17, 24, 31 de xullo; e o 4, 11, 18, 25 de setembro.
Para Paloma Lugilde, “Buxiganga é un proxecto teatral necesario e do que careciamos en Lugo, polo que non se pode máis que felicitar á Deputación de Lugo por levar a cabo Buxiganga, facendo este esforzo por dinamizar e potenciar o teatro afeccionado lucense, conseguindo uns magníficos resultados nas comarcas Mariñás, ollando como se creaban dous grupos novos”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
