LUGO .-As probas finais dos campionatos provinciais do programa Xogade de deporte en idade escolar, promovido pola Secretaría Xeral para o Deporte, nas disciplinas de xadrez, taekwondo, bádminton e atletismo reunirán esta fin de semana a 630 rapaces de Lugo
Nota de Prensa
AS FINAIS DOS CAMPIONATOS PROVINCIAIS DO PROGRAMA XOGADE REÚNEN ESTA FIN DE SEMANA A 630 RAPACES DE LUGO
* A Delegación Territorial, a través do Servizo de Deportes e coa colaboración das federacións respectivas, organiza mañá as competicións das disciplinas de xadrez, taekwondo e bádminton, quedando para o domingo a derradeira proba de atletismo
Lugo, 30 de abril de 2010.- As probas finais dos campionatos provinciais do programa Xogade de deporte en idade escolar, promovido pola Secretaría Xeral para o Deporte, nas disciplinas de xadrez, taekwondo, bádminton e atletismo reunirán esta fin de semana a 630 rapaces de Lugo.
As competicións organizadas pola Delegación Territorial, a través do Servizo de Deportes, coa colaboración das delegacións das respectivas federacións e con varios dos concellos que acollerán as probas, comezarán mañá coa celebración dos enfrontamentos finais de bádminton, xadrez e taekwondo.
As partidas de xadrez, ao igual que as das restantes disciplinas serán clasificatorias para o Galego da especialidade, celebraranse dende a mañá do sábado nas instalacións do centro Lug-II de Lugo. Arredor de 60 rapaces das categorías alevín, infantil e cadete rivalizarán polos primeiros postos do certame, cuxo remate está previsto para a tarde do mesmo sábado.
Nesta competición, participarán xogadores pertencentes a colexios de Chantada, Castro de Ribeiras de Lea (Castro de Rei), Franciscanos (Lugo), Martínez Otero e O Pilar (Foz) e aos clubes Xaquedrum, ACD Xove e Casa Xuventude.
Bádminton
Tamén entre a mañá e a tarde deste sábado se desenvolverá a fase final provincial da disciplina de bádminton. O pavillón Antonio Tarrío de Viveiro acollerá dende as 11.00 horas os máis de 200 partidos que dirimirán os participantes pertencentes ás catro categorías en liza: benxamín, alevín, infantil e cadete.
En total, participarán na cita arredor de 150 deportistas pertencentes aos seguintes colexios e agrupacións: EDM Chantada, EDM Monforte, Anpa A Lagoa-Colexio Novo de Monforte, EDM Taboada, EDM Mondoñedo, EDM Viveiro, Colexio As Mercedes (Sarria) e Colexio O Pilar (Foz).
Os partidos finais, que servirán para dilucidar os xogadores que obterán o pase para o Campionato Galego que se celebrará o 8 e 9 de maio en Baiona (Pontevedra), desenvolveranse a partir das 17.30 horas.
Taekwondo
As competicións finais do programa Xogade na provincia de Lugo dentro da disciplina de taekwondo nas categorías benxamín, alevín, infantil e cadete levaranse a cabo no pavillón de Baamonde, no municipio de Begonte, cuxo Concello colabora na organización do certame. Preto de 120 xóvenes deportistas participarán no torneo, representando a seis colectivos: Escola Lucense, Jansu Vilalba, Jansu Begonte, Trabazos, EDM Rábade e Jansu Baamonde. O campionato comezará ás 11.00 horas e está previsto que remate arredor das 13.30 horas.
Atletismo
Na xornada do domingo, o Campionato Provincial de Atletismo correspondente ás categorías benxamín, alevín e infantil servirá para por o peche a unha fin de semana de grande actividade deportiva nas categorías de base. A Delegación Territorial da Xunta en Lugo, a través do Servizo de Deportes, coa colaboración da delegación da federación autonómica da disciplina e o Concello de Lugo, organiza as probas finais que terán como escenario o estadio Gregorio Pérez Rivera.
Nas pistas do recinto da capital lucense concentraranse uns 300 deportistas correspondentes a 23 colexios e agrupacións da provincia: Anexa, CP Casás, Fingoi, Franciscanos, María Auxiliadora, Illa Verde, Lucus Augusti, Emevé, Triscos San José, Lucus Caixa Rural e Escola Atlética Lucense (Lugo), Colexio Martínez Otero e O Pilar (Foz), Colexio A Gándara (Monforte), EDM Castro de Rei, ED Valadouro, Colexio de Guitiriz, CEIP Santa Rita de Galdo (Viveiro), ED Lourenzá, EDM Mondoñedo, CEIP Monterroso, ED O Valadouro e SD Albións (A Pontenova).
As competicións desenvolveranse das 11.00 horas ás 14.00 horas e entre as 16.30 horas e as 19.30 horas da xornada do domingo.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
