RIBADEO (FNC) .- Máis de 1.200 persoas pediron información de Ribadeo na Oficina de Turismo durante a semana santa. Procedían maioritariamente de Galicia, Madrid e País Vasco, pero tamén de Alemaña e de Portugal.
O alcalde, Fernando Suárez, sinalou que “debemos facer unha valoración francamente positiva do resultado das visitas realizadas pola xente que se achegou nestes días de asueto de semana santa a Ribadeo. Segundo datos da Oficina de Turismo, é dicir das persoas que fisicamente se achegaron ata alí a pedir información, non das que viñeron a Ribadeo porque é moito máis complexo poder estimar número, en total 1.241 persoas pediron información sobre Ribadeo”. O rexedor puntualiza que “hai unha clara chegada do turismo de proximidade, quizáis agudizado pola crise económica que se está a vivir, a xente máis achegada aquí é a que máis nos visitou, os galegos foron os que máis se achegaron a Ribadeo a disfrutar destes días de descanso, supuxeron o 30% das consultas recibidas na Oficina de Turismo, seguidos de madrileños e de vascos ademais de asturianos. Estáse a rexistrar un aumento de visitantes vascos, incluso por enriba dos procedentes de Asturias. Viñeron doutras comunidade, pero en menor medida e do estranxeiro chegaron sobre todo de Alemaña e Portugal”.
Suárez Barcia subliñou que “a xulgar polo número de persoas que se podían ver pola rúa, a xulgar polos comentarios positivos dos hostaleiros… todos estaban agradecidos de como estaba a ir a semana santa e o que pode ser un preludio do bo que podería ser o verán. Desde o Concello ampliamos os horarios de atención ao público na Oficina de Turismo, porque entendíamos que a situación o requiría e creo que moita xente, polo que nos din, pregunta basicamente por dúas cousas, pola praia das Catedrais e polo casco vello de Ribadeo”. O alcalde engadiu que “houbo momentos nos que ese areal estivo ateigado de xente ao igual que moitos días do verán, a pesares de que o tempo non acompañou demasiado. E o casco vello é unha zona moi visitada que a xente valora que se están empezando a rehabilitar vivendas, algo que nos da confianza no que estamos a facer que é esta política de diálogo con todos os que queren amañar as vivendas non só para sí senón para ter un casco vello á altura do que se merece Ribadeo, un dos mellores cascos vellos de toda Galicia. Pero ao mesmo tempo que sempre tendemos a man aos que colaboran tamén estou moi orgulloso de ser duro con aquelas outras persoas que non teñen ningún interese en rehabilitar, vender ou adecentar os seus inmobles e de aí que nos vexamos na obriga de abrir expedientes sancionadores que ao fin e ao cabo empezan a dar resultados porque comezan a verse cousas que desde hai moitos anos estaban moi deterioradas e en situación ruinosa”.
Fernando Suárez amósase satisfeito de que “a este ritmo no prazo de dous ou tres anos poida ser unha maravilla pasear polo casco vello de Ribadeo e onde se vexan todas as vivendas rehabilitadas, as que están habitadas e as que son propiedade e agora están descoidadas. Dentro de non moito tempo o casco de Ribadeo será unha fonte de turismo e de riqueza non só para os seus propietarios senón para que os propios turistas gocen del”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
