BURELA .- A conselleira de Pesca, Rosa Quitana, inaugurou xoves a XVII edición das xornadas técnicas de Expomar, celebradas en Burela para debater asuntos do ámbito pesqueiro. Na xornada de hoxe tamén participou o director xeral de Competitividade e Innovación Tecnolóxica para falar da proposta galega ante a nova PPC.
A conselleira do Mar inaugurou a XVII edición das xornadas técnicas de Expomar en Burela
Rosa Quintana defende a unidade do sector como medida para o avance da pesca galega
* Na xornada de hoxe tamén participou o director xeral de Competitividade e Innovación Tecnolóxica para falar da proposta galega ante a nova PPC
Santiago, 27 de maio de 2010.- A conselleira do Mar, Rosa Quintana, inaugurou a XVII edición das xornadas técnicas de Expomar, celebradas en Burela para debater asuntos do ámbito pesqueiro. Durante a súa intervención, a conselleira do Mar, defendeu a unidade e a integración entre os membros do sector como medida para o avance da pesca galega e puxo as xornadas como exemplo desa unión, xa que comprenden “o intercambio de pareceres e inquedanzas que suman alternativas e fórmulas de futuro”.
Os temas aos que se dedican as xornadas este ano son a Política Pesqueira Común e as novas obrigas de control comunitario, uns asuntos que Rosa Quintana definiu como “clave para o futuro”. A conselleira reiterou o seu apoio a este tipo de iniciativas e lembrou outras que o seu departamento apoia en Burela como a promoción e a diferenciación do bonito ou a progresiva mellora do porto desta localidade.
Ademais da conselleira do Mar, hoxe este evento contou coa participación do director xeral de Competitividade e Innovación Tecnolóxica, Juan Maneiro, que ofreceu un relatorio sobre a achega de Galicia ante a nova Política Pesqueira Común. Mañá será o director xeral de Ordenación e Xestión dos Recursos Mariños, Pablo Fernández, o encargado de moderar a segunda xornada. Esta iniciativa, organizada pola fundación Expomar e patrocinada pola Consellería do Mar celébrase conxuntamente co XI Encontro empresarial de organizacións pesqueiras.
Galicia e a PPC
O director xeral de Competitividade e Innovación Tecnolóxica reiterou a aposta de Galicia por unha sostibilidade ambiental, social e económica das pesquerías, do marisqueo e da acuicultura e lembrou os principais puntos da proposta galega. Entre eles, salientou o cambio de TACs e cuotas por un sistema de esforzo pesqueiro, a necesidade dunha definición do concepto de pesca artesanal e marisqueo válida a nivel europeo e de uniformizar os requisitos de formación entre países, a integración da comercialización como parte fundamental da PPC e a aposta pola acuicultura como fonte de creación de emprego.
Juan Maneiro incidiu na importancia de buscar alianzas para continuar traballando polas propostas de Galicia e recordou, que esta proposta presentada e valorada polo sector e aprobada polo Consello Galego de Pesca, foi expresada na conferencia sobre a reforma da Política Pesqueira Común, celebrada a principios de mes na Coruña. Esta achega tamén se trasladou a Bruxelas, onde, no mes de abril, o secretario xeral da consellería do Mar e o director xeral de Competitividade e Innovación Tecnolóxica intercambiaron pareceres ao respecto na DG MARE. Ademais o director xeral anunciou que proximamente Rosa Quintana viaxará a Bruxelas para continuar promovendo a proposta de Galicia.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
