LUGO .- ADEGA presentará alegacións ao proxecto e Estudo de Impacto Ambiental da solicitude de rehabilitación do dereito de concesión dun aproveitamento hidroeléctrico no río Eo que data do ano 1922.
Nota de Prensa
ADEGA reclama a caducidade dunha concesión hidroeléctrica de hai 88 anos no río Eo
Concentración de protesta
Lugo, 13 de maio do 2010. ADEGA vai apresentar alegacións ao proxecto e Estudo de Impacto Ambiental da solicitude de rehabilitación do dereito de concesión, autorización e declaración de utilidade pública dun aproveitamento hidroeléctrico no río Eo, cuxa concesión data do ano 1922. A antigüidade da concesión, a falta de xustificación na actualidade, a protección ambiental da zona (Reserva da Biosfera e LIC) e as consecuencias sociais da minicentral son motivos máis que suficientes para que a declaración de impacto ambiental sexa resolta negativa e, ao mesmo tempo, dispóñase a caducidade definitiva da concesión. ADEGA realizará unha charla informativa sobre os potenciais impactos da minicentral e as medidas a tomar este sábado 15 de maio, ás 5 da tarde na escola vella do Chao do Pousadoiro (Ribeira de Piquín). [pdf]
O pasado 17 de abril, a Confederación Hidrográfica do Cantábrico someteu a información pública a solicitude de rehabilitación do dereito de concesión e utilidade pública deste proxecto hidroeléctrico que pretende captar algo máis de 10.000 litros/segundo de auga do río Eo, á altura do concello de Ribeira de Piquín, entre as Insuas e o lugar de Mende, para a produción de enerxía eléctrica e rega. Este proxecto é orixinario dunha concesión de hai 88 anos a favor de D. José Oteiro Pereiro, época na que se iniciaba a expansión da enerxía eléctrica da man de persoas emprendedoras, -nada que ver co actual monopolio as compañías eléctricas-. As obras deste aproveitamento foron iniciadas no seu día, pero non pasaron da construción da presa de captación, da que aínda se conservan restos debaixo da ponte sobre o Eo que une aos concellos de Pol e Meira con Chao de Pousadoiro.
Se naquel momento, cando aínda os pobos de Meira e Ribeira de Piquín non dispoñían de enerxía eléctrica, esta concesión cunha potencia de 3.929 kw podía estar xustificada, hoxe carece de toda lóxica: os nosos ríos están sobreexplotados e Galiza é excedente en enerxía eléctrica, polo que temos pagado xa impactos dabondo. A maiores, este proxecto, ubicado no núcleo mesmo da Reserva da Biosfera “Río Eo, Oscos e Terras do Burón”, afecta a un espazo da Rede Natura (LIC Río Eo ES 1120002) con importantes hábitats comunitarios e con toda unha diversidade de especies de flora e fauna que estamos obrigados a conservar polas Directivas europeas.
Se os impactos ambientais son importantes, non o son menos os impactos sociais e económicos. Este proxecto, de levarse a cabo, vai supoñer a derivación de practicamente todo o caudal do río ao longo dun treito de máis de 12 km que deixa sen futuro a toda a riqueza e potencial piscícola do coto de Ribeira de Piquín, con máis de 800 socios. Afectará a 255 parcelas dos veciños e veciñas da zona cunha superficie total de 117.200 m2, e suporá un impacto irreversible sobre patrimonio arqueolóxico de enorme interese, como é o da explotación mineira de orixe romana de Montefurado. Este proxecto tamén será unha das principais causas da degradación dos valores paisaxísticos do río Eo e do seu entorno, impedindo o desenvolvemento de calquera proxecto futuro que poña en valor os recursos paisaxísticos, arqueolóxicos e etnográficos da zona.
Na situación actual, -en coherencia coas recomendacións da Directiva Marco da Auga-, a prioridade de calquera planificación hidrolóxica ten que ser a de recuperar e manter a calidade da auga e dos ecosistemas fluviais, e, polo tanto, non hai lugar a que estes aproveitamentos hidroeléctricos poidan acadar unha declaración de impacto ambiental favorable, nomeadamente, en espazos protexidos e con hábitats e especies prioritarias.
É por todo isto que ADEGA rexeita por completo este aproveitamento hidroeléctrico e solicita, por un lado, que a Secretaría de Estado do Cambio Climático emita unha declaración de impacto ambiental negativa e, por outro, que a Confederación Hidrográfica do Cantábrico resolva a caducidade definitiva da concesión.
APOIO SOCIAL:
ADEGA súmase así á reivindicación dos pescadores e veciños e veciñas de Ribeira de Piquín que o pasado sábado se manifestaban en Chao do Pousadoiro en sinal de rexeitamento ao proxecto e agarda que o Concello cumpra coa vontade dos seus veciños e manifeste tamén a súa oposción á minicentral. Tamén anima á poboación afectada e a todas as persoas ou entidades interesadas en presentar alegacións ao proxecto hidroeléctrico a asistir á charla informativa que terá lugar este sábado, ás 5 da tarde na Escola Vella do Chao de Pousadoiro. Nela, Daniel López Vispo de ADEGA informará das características do aproveitamento hidroeléctrico, das súas consecuencias sobre o río, as parcelas afectadas e o patrimonio cultural e natural da zona. Ademais porá a disposición do público un modelo de alegacións.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
