A MARIÑA .- A corporación de O Vicedo aprobou por unanimidade a iniciativa que defende unha xerencia integrada na Mariña e non un xerente executivo de carácter representativo. No Valadouro aprobouse por maioría a iniciativa promovida pola plataforma e o apoio do concello do Valadouro á mobilización do día 26 de xuño. A Plataforma na Defensa da Sanidade Pública da Mariña agradece o apoio das corporacións municipais
Nota de Prensa
A Plataforma na Defensa da Sanidade Pública da Mariña agradece o apoio das corporacións municipais do Valadouro e O Vicedo ás súas demandas acordado nos plenos do luns e da mañá de hoxe
No Valadouro aprobouse por maioría a iniciativa promovida pola plataforma e o apoio do concello do Valadouro á mobilización do día 26 de xuño
A corporación do Vicedo aprobou por unanimidade a iniciativa que defende unha xerencia integrada na Mariña e non un xerente executivo de carácter representativo
A Mariña, 16 de xuño de 2010. A Plataforma na defensa da Sanidade Pública da Mariña continua sumando apoios ás súas demandas, nesta ocasión dende o ámbito institucional cos acordos dos plenos das corporacións do Valadouro e O Vicedo, o pasado luns e na mañá de hoxe. Para a portavocía da plataforma e satisfactorio e de agradecer os acordos adoptados pr estas dúas corporacións que no primeiro caso apoiaron maioritaria e integramente a moción promovida pola plataforma que no caso do Vicedo contou co apoio unánime da corporación a unha xerencia integrada única na Mariña e non un xerente de carácter representativo.
E unha satisfacción ver que por riba do ámbito partidista está a defensa dos intereses sanitarios dos veciños e veciñas da Mariña.
Para a plataforma e moi satisfactorio ver como por riba dos intereses e consignas partidarias, pódense ver actuacións como a do Vicedo, onde a corporación por unanimidade apoiou a creación dunha xerencia integrada única na Mariña que evite a perda de servizos sanitarios na comarca. Dende a plataforma agradeceron a posición da corporación do Vicedo que non fai mais que defender os intereses dos seus representados que son os veciños e veciñas do Vicedo e por extensión os do conxunto da comarca, debería ser o exemplo a seguir por parte do resto de corporacións nas que aínda están pendentes de celebración plenos extraordinarios para debater esta proposta.
A plataforma tamén agradeceu o apoio da corporación do Valadouro que por maioría aprobou o conxunto das demandas incluídas na moción promovida pola plataforma polo que ademais das demandas sobre a mellora dos servizos, infraestruturas, persoal e dotacións dos servizos sanitarios tanto en asistencia primaria como especializada, esta corporación apoia a mobilización social que se celebrara o próximo sábado 26 de xuño en Burela.
Os puntos de acordo da moción promovida pola plataforma van a favor dos intereses da Mariña non en contra de ningún partido político.
Para a portavocía da plataforma debe quedar claro que no seu interese non está ir en contra de ningún partido político, a todos se lles convidou a formar parte dela, “neste colectivo están integradas asociacións que defenden intereses veciñais formadas por persoas de moi distinto signo político”. O traballo do colectivo limítase a defender o interese do conxunto dos veciños e veciñas da comarca diante dunhas decisións da Consellaría de Sanidade que promove un modelo de xestión sanitaria que vai en contra duns servizos sanitarios de calidade e próximos á cidadanía que obrigarán de saír adiante a retrotraer a esta comarca a tempos pretéritos.
As demandas da plataforma incluídas na moción que xa foi trasladada ao conxunto dos alcalde s da comarca e será defendida mediante a convocatoria de plenos extraordinarios por PSOE e BNG e tamén no Parlamento galego propón os seguintes puntos de acordo:
1.- Unha área de Xestión Integrada Única propia da Mariña.
2.- Unha aposta firme e decidida por esta comarca coa ampliación real do Hospital da Costa e número de camas, implantación da Unidade de Oncoloxía, ampliación de Hemodiálise, pleno funcionamento da Consulta Maior Ambulatoria, unha Resonancia Magnética fixa, a hospitalización a domicilio, a posta en funcionamento dos servizos de tarde, os aumentos de do cadro de persoal e por suposto o reforzo e mantemento de tódolos servizos e unidades existentes tanto de Atención Primaria como de Especializada.
3.- Un xerente de Area Integrada Única de Burela e non un Xerente Executivo que sería unha mera figura representativa.
4.- Que o Pleno da Corporación exprese o seu apoio á manifestación convocada pola Plataforma en Defensa da Sanidade Pública da Mariña e contra o desmantelamento do Hospital da Costa para o 26 de xuño ás 12:00 horas.
5.- Que do presente acordo se dea traslado ó Presidente da Xunta de Galicia, á Conselleira de Sanidade, así como os grupos políticos con representación na cámara galega.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
