Galicia é unha das comunidades autónomas nos que máis incrementou o paro este ano, sendo esta unha das maiores preocupación dos galegos e das galegas, e tamén dos lucenses. Fronte ós Pactos polo Emprego autonómicos que non inclúen formación nin inserción laboral, senón que estudan o mercado laboral, o Instituto Lucense de Desenvolvemento Económico (INLUDES), moito máis ambicioso, foi quen de poñer enriba da mesa unha nova medida estratéxica co obxectivo de crear postos de traballo nos campos laborais onde realmente hai futuro.
Trátase dun ambicioso programa de formación e inserción laboral do que se beneficiarán 540 desempregados e aquelas persoas que, nestes momentos de crise, teñen máis dificultades para atopar un emprego. Esta iniciativa inclúese dentro do proxecto denominado “Pacto Provincial polo Emprego” dotado con 3.400.000 euros e co-financiado nun 80% polo Fondo Social Europeo.
Para a súa posta en marcha realizamos unha ampla diagnose da situación laboral na provincia, identificando aquelas profesións de futuro. Analizamos Concello por Concello, estudamos as empresas existentes, as necesidades de man de obra, os sectores en progresión ou recesión, e hoxe temos un mapa de emprego real na provincia.
Sen ningún tipo de dúbida, o futuro laboral na provincia radica nas áreas social-sociosanitaria, hostalería, turismo, industria manufactureira relacionada coa agroalimentaria e no sector forestal. Con estes datos, deseñamos 45 accións formativas con 15.000 horas de docencia e máis de 60.000 horas de prácticas profesionais en empresas estreitamente vinculadas con estas áreas.
Os cursos levan aparexedo un certificado de profesionalidade esixido pola Lei de Dependencia para poder desenvolver determinados labores, e, ademais, conscientes de que algúns participantes o desprazamento e asistencia ós cursos pode supoñerlle un problema económico, recibirán unha axuda de 400 euros, equivalente ó 75% da cuantía establecida polo IPREM.
Deste xeito, a Deputación demostra unha vez máis que non crea problemas senón que os soluciona, e faino poñendo en marcha medidas estratéxicas que construén a provincia do futuro.
Lara Méndez
Vicepresidenta Segunda da Deputación de Lugo
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
