BURELA .- Estase desenrolando en Burela o IV Campus Mixto Internacional de Fútbol Base que organiza o club deportivo Burela FS, no que están a participar nenos de entre 7 e 14 anos e que este ano reune aos mellores especialistas do fútbol sala nacional e internacional. O delegado de Deportes da Deputación, o nacionalista Antonio Veiga, visitou o campus que conta co patrocinio da Área de Deporte da Deputación, da Fundación Deporte Galego, e o Concello de Burela entre outros.
Nota de Prensa
ANTONIO VEIGA VISITOU O IV CAMPUS MIXTO INTERNACIONAL DE FÚTBOL BASE DO CD BURELA FÚTBOL SALA
O CD Burela FS da cita neste campus, dende o pasado mércores e ata mañá sábado, aos mellores especialistas do fútbol sala nacional, estatal e internacional
BURELA, 16 de xullo de 2010.O delegado de Deportes da Deputación, o nacionalista Antonio Veiga, visitou esta mañá o IV Campus Mixto Internacional de Fútbol Base que organiza o CD Burela FS, no que están a participar nenos de entre 7 e 14 anos e que este ano está volvendo a reunir aos mellores especialistas do fútbol sala nacional e internacional. O delegado de deportes manifestou aos rapaces, organizadores e monitores a súa satisfacción polo ben que está a marchar o campus, e animounos a continuar esforzándose para acadar os mellores resultados á vez que pasan un bo rato e disfrutan das vantaxes de practicar un deporte como o fútbol sala.
Dende o pasado mércores, as xornadas que organiza o club burelao reuniron convidados como José Mª. Pazos Méndez “Pulpis”, seleccionador de Tailandia que xa asistira na primeira edición, o xogador internacional Marcelo e o ex-gardameta do Azkar Lugo, Toni, ademais dos adestradores Paulo Eduardo de Jesús Pinho “Padú” e Juan Miguel García “Juanito”. Os 45 rapaces desta cuarta edición comezaron o pasado mércores con Pulpis e Padú nos adestramentos da mañá, nos que tamén puideron aprender da destreza do mozo burelao Iago Míguez. Neco moderou unha charla coloquio, e animou ao alumnado a exercer de xornalistas e tratar de resolver curiosidades sobre a formación de base, os valores relevantes do fútbol sala e as experiencias dos convidados. Onte xoves, continuaron Padú, Iago Míguez e o burelista Neco transmitindo os seus coñecementos aos alumnos, e incorporáronse ás actividades o preparador Suso Rey e o gardameta Edu. Adestramentos, xogos na praia e unha xincana foron as actividades da xornada.
O campus, ademais do patrocinio da Área de Deporte da Deputación, conta co da Fundación Deporte Galego, e o Concello de Burela entre outros. Con tres edicións ás súas costas, o Campus Burela FS xa é unha referencia nos eventos deportivos da Mariña, debido tanto ao seu éxito de participación como aos profesionais que asistiron a outras edicións: Venancio López, seleccionador de España, Eduardo Sao-Thiago Lentz “Duda”, adestrador de El Pozo Murcia, Bruno García, adestrador do Azkar Lugo e seleccionador de Galiza, María Varela Bardanca, seleccionadora de Galiza Feminina, e o ex-internacional Javier Orol.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
