Nota de Prensa
O BNG DE BARREIROS CELEBRA O DOMINGO CUNHA BONITADA A SÚA VI MANI-FESTA PRETO DA PONTE DA ESPIÑEIRA. UN ACTO NO QUE INTERVIRÁN: BELÉN FERNÁNDEZ, ANTONIO VEIGA E BAUTISTA ÁLVAREZ.
Barreiros, 16 de xullo de 2010. O BNG de Barreiros celebra o vindeiro domingo 18 de xullo ás dúas da tarde a súa VI Mani-festa na ribeira do Masma, a carón da ponte da Espiñeira. Segundo explica Antonio Veiga “así celebramos a festa do día da patria galega unha semana antes desa data. E dicimos o de mani-festa porque ten bastante de festa, pero tamén ten bastante de reivindicación”. Van intervir a responsable local do BNG, Belén Fernández; o responsable comarcal e portavoz do BNG en Barreiros, Antonio Veiga e Bautista Álvarez, ex parlamentario e un dos fundadores do BNG.
Veiga Outeiro dixo que “será un acto no que se faga un resumo do traballo feito ao longo do curso político e ao mesmo tempo xa se empeza a traballar cara o seguinte ano, no que terán lugar as eleccións municipais. Como moi ben di o lema desta campaña do 25 de xullo Fai valer a túa forza, temos que facer valer a nosa forza hoxe máis que nunca porque hoxe máis que nunca Galiza precisa dunha forza política propia do país como é o Bloque Nacionalista Galego”.
O portavoz nacionalista barreirense engadiu que “Barreiros tamén precisa dunha forza política que fale claro e sen dobres discursos. Eu creo que todos os barreirenses poden coincidir con nós en que o BNG durante todos estes anos tivo un único discurso e así seguirá servindo única e exclusivamente aos intereses xerais dos veciños de Barreiros. Este concello leva nunha total parálise tres anos, parece ser que os grandes salvadores do PP non existen para o seu goberno, os ten totalmente esquecidos. Aquí xógase a outra cousa non a defender os intereses dos veciños e o BNG sí que o di alto e claro, independentemente dos custes políticos que nos ten”. Antonio Veiga pensa que “tal e como está a situación política o que non se pode facer é enganar ao pobo e á xente coste o que coste. Noutras organización políticas parece que priman os intereses electorais por enriba dos xerais. Será a cidadanía a que o teña que decidir, pero a cidadanía ben sabe que sempre tivo aí, sempre ten e seguirá tendo ao BNG para defender os intereses xerais do concello de Barreiros e non os particulares de ninguén”.
Desde o BNG convidan a “todos os barreirenses que queiran pasar unha xornada agradable a carón dun río tan noso como é o Masma e que tanto identifica a Barreiros e aproveitar para xantar un producto capturado polos nosos mariñeiros como é o bonito, alí poden acudir o domingo ás dúas da tarde, onde serán ben recibidos”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
