BARREIROS .- O delegado de Cultura da Deputación, Antonio Veiga, visitou a ciclobiblioteca de Cultura Aberta nos Concellos, que ás 19:00 horas se atopaba na praza do concello de Barreiros despois de divertir aos nenos e nenas de Foz pola mañá, e de Ribadeo a primeira hora da tarde. Mañá, Cultura sobre Rodas estará ás 12:00 horas en Trabada, ás 17:00 horas en Lourenzá e ás 19:00 horas en Riotorto, e así ata 51 concellos lucenses
Nota de Prensa
ANTONIO VEIGA VISITOU A CICLOBIBLIOTECA DE “CULTURA ABERTA NOS CONCELLOS”, QUE LEVOU A “COCIÑA ITINERANTE DOS SOÑOS” A BARREIROS
Ademais de en Barreiros, a ciclobiblioteca estivo hoxe en Foz e en Ribadeo, e mañá visitará Trabada, Lourenzá e Riotorto
“Cultura sobre Rodas” percorrerá 51 concellos lucenses fomentando a lectura entre os nenos e nenas coa inestimábel axuda do contacontos cociñeiro “Seteventos”
LUGO, 4 de agosto de 2010. Esta tarde, o delegado de Cultura da Deputación, Antonio Veiga, visitou a ciclobiblioteca de Cultura Aberta nos Concellos, que ás 19:00 horas se atopaba na praza do concello de Barreiros despois de divertir aos nenos e nenas de Foz pola mañá, e de Ribadeo a primeira hora da tarde. Mañá, Cultura sobre Rodas estará ás 12:00 horas en Trabada, ás 17:00 horas en Lourenzá e ás 19:00 horas en Riotorto, e así ata 51 concellos lucenses que está percorrendo dende xullo e ata setembro, na terceira de Cultura Aberta nos Concellos. Nesta ocasión, o nome escollido foi “Cultura sobre rodas” xa que se trata dunha cociña itinerante dos contos, un proxecto de animación cultural cos libros sobre o medio ambiente e a ciclobiblioteca que os transporta como protagonistas. O obxectivo é espallar a cultura ambiental da man do contacontos e cociñeiro de historias chamado “Seteventos”, que alimenta a imaxinación dos participantes nas súas sesións, concienciándoos da importancia do coidado e a estima do patrimonio natural.
Como lembrou Veiga, a actividade realízase en todos os concellos que o solicitan e está sufragada integramente pola Área de Cultura da Deputación. Do mesmo xeito que nos demais municipios que xa ten visitado, a ciclobiblioteca percorreu Barreiros a xeito de pasarrúas, anunciando o lugar e o comezo da actividade; logo a ciclobiblioteca instalouse durante unha hora e as persoas que se achegaron puideron dispor dos libros; por último, “Seteventos”, o cociñeiro de contos preparou historias aos asistentes, e mostroulles como se cociñan, e así, entre un conto e outro, aprenderon a respectar a natureza e valorar o patrimonio natural lucense.
O ano pasado foron máis de 3000 as persoas que participaron nesta actividade e, nesta ocasión espérase que se repita o éxito da pasada edición, e que os concellos que por razóns xeográficas ou socioeconómicas permanecerían á marxe deste tipo de programación cultural poidan participar dela. A Área de Cultura da Deputación aporta este ano 200.000 euros aos concellos para a organización de actividades e eventos culturais, e para axudas a investimentos de mantemento en instalacións culturais ou equipamento cultural. 
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
