Nota de prensa:
O BURELA FS LOITARÁ POLOS TRES PUNTOS EN TERRAS MALAGUEÑAS
O Burela FS loitará mañá por tres novos puntos en terras malagueñas, ante o UMA Antequera FS, na segunda xornada da División de Prata. O encontro comezará ás 18.00 horas, no pavillón Fernando Argüelles.
Xa en Andalucía, esta mañá o cadro laranxa dedicou o seu último adestramento da semana a pulir certos detalles que contribúan ao seu fortalecemento defensivo especialmente. Tras a vitoria de Vista Alegre ante o Melilla FS (3-2), os mariñáns pelexarán por arrancar un novo triunfo no seu primeiro desprazamento da tempada cun vestiario substancialmente renovado, de novo ante un rival descoñecido.
Os pupilos de Suso Rey mediranse a un conxunto forte que no exercicio pasado quedou ás portas do play off, na quinta posición, empatado a puntos co cuarto, o Eivissa. Para os andaluces este será o debut ante a súa afección, tras a fatídica estrea na pista do OPDE Ribera Navarra, onde caeron derrotados por un contundente 7-2.
Minu, que xa non participou no amigable desta semana ante o Azkar Lugo por un golpe no tórax, será dúbida para mañá. A presenza de Paleta na pista malagueña tampouco está asegurada, por problemas de menisco.
Xornada 2. O calendario desta fin de semana depara os enfrontamentos de Gáldar Gran Canaria-FC Barcelona B, Ribera Alta Tobarra-Zamora, ElPozo Ciudad de Murcia-Space Gasifred Eivissa, Extremadura Cáceres 2016-Lanzarote Tías Yaiza, Unión África Ceutí-Puertollano, AP Brihuega-UPV Maristas Valencia, Melilla FS-Albacete 2010 e Fuconsa Jaén-OPDE Ribera Navarra. Descansa o Andorra.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
