Nota de prensa:
MÁIS DE MIL PERSOAS VISITARON A EXPOSICIÓN GALICIADIXITAL ITINERANTE DURANTE A SÚA ESTANCIA EN LUGO
* Os que se achegaron estes días á delegación territorial da Xunta de Galicia puideron desfrutar dalgúns dos contidos máis chamativos da mostra, como o xogo “Aerodeslizadores por Compostela”, a película en 4D “Meta do Camiño” ou o tiraboleiro virtual
* A exposición incluíu tamén os contidos máis novidosos e conmemorativos dos 25 anos da Compañía de Radio Televisión de Galicia (CRTVG)
Santiago de Compostela, 12 de outubro de 2010.- Un total de 1.040 persoas se achegaron dende o 4 de outubro ata o pasado sábado á delegación territorial da Xunta de Galicia en Lugo para visitar a exposición itinerante e interactiva da Secretaría Xeral de Medios, Galiciadixital.
Na súa estancia na cidade a mostra contou con algúns dos seus contidos máis chamativos, como o xogo “Aerodeslizadores por Compostela”, no que os espectadores teñen a posibilidade de descender pola zona histórica dunha cidade galega virtual nun futurista “aerodeslizador” desenvolvido pola Universidade de Santiago de Compostela (USC).
Galiciadixital permitiu tamén aos seus visitantes somerxerse nun mundo virtual a través de proxeccións en tres dimensións como “As cidades do camiño”, visualización de imaxes panorámicas de 360º nunhas pantallas que colgan do teito, onde os usuarios poden realizar paseos virtuais xirando a pantalla coas súas mans por aquelas cidades polas que discorren os diversos camiños de peregrinación a Santiago, así como xogar co canciño “Axóuxere” ou converterse en tiraboleiros do Botafumeiro da Catedral de Santiago grazas ao tiraboleiro virtual, entre outras actividades.
Entre os últimos contidos incorporados á exposición destaca a película en catro dimensións “Meta do Camiño”. Trátase dunha curtametraxe en 4-D, é dicir, tres dimensións acompañada por efectos especiais de vento, aroma e fume, onde un peregrino acompaña e ilustra ao visitante nun breve percorrido aos lugares máis relevantes da catedral de Santiago de Compostela.
Aniversario da CRTVG
Por outra banda, os que se achegaron nestes días ás instalacións lucenses puideron desfrutar dos contidos máis novidosos e conmemorativos do 25º aniversario da Compañía de Radio Televisión de Galicia (CRTVG), como unha exposición de paneis nos que se resume a historia do ente autonómico, unha exhibición de obxectos relacionados coa radio e a televisión ou un vídeo conmemorativo dos primeiros 25 anos do ente autonómico, no que se dan cita programas e personaxes emblemáticos da compañía.
Ademais, os interesados puideron converterse en presentadores dos informativos da Televisión de Galicia por un día grazas ao Plató Chroma Key, un espazo no que os visitantes se sitúan e aparecen reflectidos nunha pantalla TFT de gran formato.
Galiciadixital foi visitada, nas súas dúas dimensións de itinerante e permanente, por preto de 650.000 persoas dende a súa orixe, no ano 2000, o que a converte na segunda exposición máis visitada de Galicia. A exposición permante, con sede no Mosteiro de San Martiño Pinario en Santiago de Compostela, superou no que vai de verán as 20.000 visitas e a versión itinerante acolleu no que vai de ano a 17.110 persoas nas nove localidades galegas polas que pasou ata o momento.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
