Nota de Prensa
OS RIBADENSES DISFRUTARÁN DE TEATRO PROFESIONAL E AFECCIONADO, ÓPERA, EXPOSICIÓNS E CINE NO ÚLTIMO TRIMESTRE DESTE ANO. HOXE FOI PRESENTADA A PROGRAMACIÓN CULTURAL DO CONCELLO.
Ribadeo, 21 de outubro de 2010. A axenda cultural do último trimestre de 2010 traerá a Ribadeo teatro profesional e afeccionado, ópera, exposicións, cine e moitas actividades para os máis pequenos.
Na presentación da programación a concelleira de Cultura, Mariluz Álvarez Lastra, sinalou que “aínda que estamos en época de crise e tentamos axustar ao máximo os presupostos, pensamos que a cultura é algo moi importante, que Ribadeo ten unha tradición cultural moi importante e desde logo non podemos deixala de lado. A pesares de todo tentamos manter a liña da programación cultural que viñemos facendo ao longo dos últimos anos”.
A edil nacionalista asegurou que “mantemos todos os ciclos, teremos teatro profesional no mes de novembro. A compañía de Celso Parada, Teatro do Morcego porá en escea dous clásicos da literatura. O 7 de novembro poderemos disfrutar de O Lazariño de Tormes e o día 28 de novembro Os vellos non deben namorarse de Castelao. As obras serán ás 20:30 horas no auditorio municipal co prezo que xa temos estipulado de anos anteriores. Tamén haberá teatro afeccionado que chegará a Cinxe. O grupo Axóuxeres de Foz representará Os cravos de prata. E no auditorio municipal de Ribadeo estará o grupo de teatro do Concello de Sada o 19 de decembro”.
Álvarez Lastra subliñou que “sempre temos unha especial atención para os máis pequenos, xa se está a desenvolver a animación á lectura na biblioteca municipal os sábados ás cinco e media da tarde. O plato máis forte será nas vacacións de nadal, no tempo de lecer dos nenos, onde van poder disfrutar de maxia e de teatro. Agora en breve, o 1 de novembro, imos seguir coa tradición do Samaín dado o éxito do ano pasado. Ese día haberá un taller de cabazas que se vai desenvolver na oficina de turismo vella a partires das cinco e media da tarde”.
A concelleira de Cultura engadiu que “un dos actos máis destacados para os nenos e para as súas familias vai ser que poderemos disfrutar dun xénero musical e artístico que non estamos moi acostumados a escoitar como é a ópera. O día 31 de outubro ás seis e media da tarde no auditorio municipal a compañía Bengala Produccións porá en escea Livieta e Tracollo de Pergolesi. É unha oportunidade que hai que aproveitar para achegar a persoas de todas as idades a este xénero”.
Mariluz Álvarez segueu a relatar que “haberá exposicións, coma sempre, e teremos unha especial atención para a zona rural co ciclo Máis preto de ti. Este trimestre visitaremos as parroquias de Piñeira, Rinlo, Cinxe e Piñeiro, unhas da costa e outras do interior. Esta fin de semana váise proxectar a película Os mortos van á presa. Será o venres 22 de outubro na escola de Piñeira e o sábado 23 en Rinlo, nos dous casos ás oito e media da tarde”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
