Nota de Prensa
Rolda de Prensa coa Plataforma da Sanidade.
O Bloque Nacionalista Galego manterá na xornada de mañá tres encontros con diferentes colectivos sociais da Mariña, no que se contará coa presencia do Parlamentario Autonómico Fernando Blanco, que se interesará pola problemática destes colectivos e dará a coñecer a posición do BNG ao respecto.
A primeira das xuntanzas celebrarase ás 11:00 h no Mesón o Poeta de Burela, cos representantes da Plataforma Sanitaria da Mariña, nesta reunión tratarase a situación das listas de espera no Hospital, a dotación orzamentaria para o Hospital así como o decreto de organización do SERGAS que ven de publicar o DOG.
A segunda das xuntanzas celebrarase ás 12:00 h no local da asociación de Veciños de Foz e nela, o Deputado Nacionalista reunirase cos representantes da Comisión Focega en defensa da Sanidade Pública aos que lle dará conta das iniciativas que no plano institucional aten presentado o BNG no Parlamento.
A terceira das reunións que manterán os nacionalistas será cos colectivos focegos que reclaman unha residencia para a localidade, e concretamente respondendo a unha petición deste colectivo, que se dirixiu aos grupos parlamentarios para esixirlle un compromiso de que nos Orzamentos de 2011 se recolla unha partida para a construcción desta infraestructura, a fin de permitir o seu remate no horizonte de 2013. Esta xuntanza celebrarase ás 13:00h.
A tal fin convocámosvos a unha Rolda de Prensa, coa presenza dos representantes da Plataforma sanitaria a celebrar ás 11.00h do Xoves 28 de Outubro. no Mesón o Poeta de Burela, na que Fernando Blanco informará dos temas que se van tratar nesta Xornada.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
