Nota de prensa
A CIG chama a continuar mobilizándose para denunciar as políticas regresivas da Xunta de Galiza e do goberno central
A Confederación Intersindical Galega acordou continuar coas mobilizacións, logo da folga xeral do 29 de setembro, para exixir a retirada da reforma laboral, para denunciar os regresivos orzamentos da Xunta de Galiza e para frear a reforma das pensións e da negociación colectiva.
A central sindical entende que a clase traballadora só poderá defender os seus dereitos e loitar por un novo modelo económico e social máis xusto e solidario como o fixo historicamente, a través da mobilización. A folga xeral do dia 29 non foi un punto final dese proceso reivindicativo, foi parte dunha campaña que se leva a cabo dende o inicio da actual crise económica co obxectivo de mudar o actual sistema económico como única maneira de erradicar estas crises cíclicas.
A manifestación celebrada o dia 3 de novembro en Santiago e na que participaron 1500 delegados e delegadas da CIG procedentes de todo o país foi o seguinte paso nesa campaña de mobilizacións, que terá continuidade na xornada deste xoves 18 de novembro, na que están convocadas manifestacións en oito cidades galegas e unha concentración na Mariña (concretamente diante do Concello en Viveiro).
Con esta campaña de mobilizacións a CIG retoma as protestas contra as políticas antisociais postas en marcha polos gobernos, e reclama a retirada da reforma laboral e pretende frear a reforma das pensións e da negociación colectiva que o executivo estatal planea sacar adiante nos vindeiros meses.
Por outra banda a Confederación Intersindical Galega quere amosar, tamén, o rexeitamento aos orzamentos galegos que se están a tramitar no Parlamento. Uns orzamentos regresivos nos que cae o capitulo de investimentos e nos que se favorece a progresiva privatización dos servizos públicos.
As manifestacións están convocadas de forma case simultánea e as horas e lugares de saída previstos son:
A Coruña: 20:00 h da Praza de Vigo
Compostela: 20:00 h da Praza Roxa
Ferrol: 20:00 h da Avda de Esteiro (diante do local sindical)
Lugo: 20:30 h da Ronda da Muralla (diante do local sindical)
Ourense: 20:00 h do Pavillón dos Remedios
Pontevedra: 20:00 h da Praza da Ferrería
Vigo: 20:00 h da Vía Norte
Vilagarcía: 20:00 h da Casa do Mar
Viveiro: 19:00 h. Praza do Concello (concentración)
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
