Nota de prensa
A Plataforma na Defensa da Sanidade Pública da Mariña presentou a campaña na Mariña de sos-sanidadepublica
A presenza de moitos mariñaos e mariñás o día 21 en Compostela e necesaria e está xustificada polo constante deterioro do servizo público sanitario na comarca
Curiosamente dende a chegada de Insua á dirección do Hospital da Costa mentres o servizo público se deteriora non para de medrar a clínicas privadas
A Mariña, 4 de novembro de 2010. Representantes da Plataforma na Defensa da Sanidade Pública da Mariña presentaron hoxe en Viveiro a campaña da manifestación convocada por sos-sanidadepublica para o día 21 de novembro en Compostela en defensa do sistema sanitario público galego. A plataforma mariñá integrada por colectivos sociais, culturais, asociacións de doentes, sindicatos e partidos políticos forma parte de sos-sanidadepublica que aglutina a plataformas sociais de diferentes comarcas do país preocupadas polo deterioro que se está producindo na sanidade pública galega.
A Plataforma anunciou que se poñerán a disposición autobuses para acudir á manifestación de Compostela o día 21 de novembro.
A Plataforma na Defensa da Sanidade Pública da Mariña anunciou que dende a comarca sairán autobuses para acudir á manifestación convocada para o día 21 de novembro en Compostela para o que puxo a disposicón tres teléfonos de contacto para anotarse, o 982561001, o 982581861 e o 982129261, unha vez se coñezan as reservas organizaranse as rutas para facilitar a viaxe a todas as persoas que queiran acudir. Dende a plataforma aclararon “que imos garantir que ningunha persoa quede na comarca se ten interese en asistir e defender a calidade da asistencia sanitaria”.
A Plataforma insiste en que a cidadanía galega ten que poñer freo as políticas de deterioro e privatización da sanidade pública en Galiza.
Dende a Plataforma mariñá, chamaron á participación da cidadanía na manifestación xa que “non hai outro xeito de facer ver ao goberno da Xunta que este non e o camiño para garantir unha asistencia sanitaria de calidade e igualitaria que precisamos”. Dende a plataforma puxeron como exemplo das políticas regresivas en materia sanitaria tomadas pola Consellaría de Sanidade co argumento de que a crise sanitaria obriga a reducir gastos e buscar apoio no sector privado:
1.- Redución do orzamentos sanitario, especialmente en capítulos de investimento coa rebaixa do 30% do gasto e redución do gasto corrente para garantir o funcinamento do sistema.
2.- Dar entrada ao capital privado no financiamento e xestión de novas infraestruturas sanitarias recorrendo á colaboración público-privada.
As consecuencias destas medidas afectaron xa dun xeito importante ao sistema como exemplo puxeron os retrasos na apertura do novo hospital de Lugo que leva xa tempo rematado, o encarecemento entre tres e cinco veces a construción do novo hospital de Pontevedra, o inicio do desmantelamento das actuais áreas sanitarias, entre outras a da Mariña e a rebaixa de investimento nos orzamentos 2011. A parálise do Plan Mellora na asistencia primaria que impide capacidade e calidade resolutiva nos centros actualmente existentes. O Peche de dos servizos de radioloxía de urxencia nos hospitais comarcais e o seu traslado a un so centro. O desvío constante de pacientes a centros privados, etc…
A situación da Mariña e insostible cun xerente do Hospital da Costa que actúa como un comisario político sen defender os intereses sanitarios da comarca.
Os membros da Plataforma cualificaron de desastrosa a situación do servizo sanitario na comarca, cun hospital da costa que lonxe de mellorar vai perdendo capacidade de resolución e servizos, que está á cabeza do país nas listas de espera e que perde servizos e facultativos mentres medran as clínicas privadas na comarca. Na mesma liña a plataforma valorou como decepcionantes os orzamentos autonómicos que reducen substancialmente o investimento para o exercizo 2011 e onde non figura nin o Plan Director nin a ampliación do hospital contradicindo compromisos electorais existentes. Igualmente, dende a plataforma, volveron reclamar á Xunta de Galiza a posta en marcha do Plan Mellora para a asistencia primaria que o PP paralizou coa súa entrada no goberno e permitiría a cobertura de 24 prazas de profesionais sanitarios nos centros de saúde da comarca. Dende a plataforma ademais cualificaron de “letal para a calidade asistencial na comarca” o novo Decreto de Organización do Sistema Sanitario Galego que “previsiblemente non se empece a aplicar nas provincias de Lugo e Ourense ate despois das próximas eleccións municipais pola presión social exercida tanto no Barco de Valdeorras como en Monforte e A Mariña”, aínda que xa deu mostras dos seus efectos na provincia da Coruña.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
