NOTA DE PRENSA
Lara Méndez esixe á Xunta elaborar un plan específico para frear o deterioro da sanidade pública na Mariña
– A Vicepresidenta 2ª critica que o goberno autonómico reducise á metade o investimento para o Hospital da Costa en 2011 xa que, dentro da rede hospitalaria galega, é o que peor rexistro obtén en canto a unha primeira visita co especialista
– Este centro presta atención a 72.000 mariñanos “e cada vez máis deriva pacientes da zona a outros centros, o que obriga ós veciños a ter que desprazarse fóra da súa comarca para recibir atención médica especializada”
– Lara Méndez participa na inauguración do XXIII Congreso da Sociedade Galega de Endocrinoloxía, Nutrición e Metabolismo que esta fin de semana se celebra en Ribadeo, e no que participan 150 especialistas de toda a Comunidade
A Vicepresidenta Segunda da Deputación, Lara Méndez, participou este venres na inauguración do XXIII Congreso da Sociedade Galega de Endocrinoloxía, Nutrición e Metabolismo que se celebra esta fin de semana en Ribadeo. No transcurso do acto, Lara Méndez, esixiu á Xunta de Galicia elaborar un plan específico para frear o deterioro da sanidade pública na Mariña, xa que o Hospital da Costa presta atención a 72.000 mariñanos “e cada vez máis deriva pacientes da zona a centros privados a facer intervencións cirúrxicas, así como probas diagnósticas, o que obriga ós veciños a ter que desprazarse fóra da súa comarca para recibir atención médica especializada”.
Neste senso, Méndez subliñou que “o fácil é cruzase de brazos e dicir que non temos cartos como está a facer o goberno de Feijóo, quen reduciu á metade o investimento previsto para este Hospital en 2011, pasando de un millón a máis de 500.000 euros. Ademais é o centro que, dentro da rede hospitalaria galega, obtén o peor rexistro en canto a unha primeira visita co especialista”.
O organismo provincial non ten competencias directas en Sanidade, a diferenza do goberno autonómico. “Precisamente, non era de recibo que seguiramos xestionando os dous hospitais provinciais que transferiremos ó SERGAS o 1 de xaneiro. Non obstante, dentro das nosas posibilidades non eludimos a nosa responsabilidade, senón que impulsamos medidas que están relacionadas cos temas que se abordarán neste congreso”.
A este respecto, lembrou que en outubro de 2009 o organismo provincial puxo en marcha o primeiro paseo cardiosaudable en colaboración coa Fundación Española do Corazón e a Sociedade Española de Cardioloxía, “co que conseguimos concienciar a todos os lugueses da importancia de levar unha vida saudable”.
Asimesmo, sinalou que en 2011 investiranse 12 millóns de euros para a construción de 10 centos de día e de terceira idade en diferentes Concellos da provincia co obxectivo de frear o despoboamento e de prestar unha atención moi demandada na provincia, e que baixo o nome de “In Lugo” entrará en funcionamento o vindeiro ano o primeiro centro experimental de Galicia, no que se probarán con cidadáns da rúa, produtos e servizos para o benestar social antes de que saian ó mercardo. Este “laboratorio cidadán” é un nicho de emprego dos máis importantes da provincia que ademais aforra cartos ás empresas e emprendedores.
Programa do Congreso
Lara Méndez participou na inauguración do evento, xunto co Alcalde de Ribadeo, Fernando Suárez Barcia, o Presidente da SGENM, Manuel Botana, o Presidente do Comité Organizador, José Aurelio Fernández Álvarez, e o Xerente do Hospital da Costa, José Insua Pernas. Sobre o Congreso sinalou que “nos tempos que corren patoloxías relacionadas coa endocrinoloxía son a que teñen máis incidencias na poboación, polo que é algo no todos debemos reparar: doentes, profesionais e administracións”.
Na actualidade, uns 220.000 galegos, o 8% da pobación, padece diabetes e Galicia sitúase á cabeza en hipertensión, colesterol ou depresión. “Tendo en conta este panorama, o congreso que hoxe inauguramos acada, se cabe, unha maior trascendencia”.
Un total de 150 endocrinólogos de toda Galicia reuniranse esta fin de se
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
