Nota de prensa
DECLARACIÓN INSTITUCIONAL DA XUNTA DE GALICIA NA CELEBRACIÓN DO 25 DE NOVEMBRO, DÍA INTERNACIONAL PARA A ELIMINACIÓN DA VIOLENCIA CONTRA AS MULLERES
O vindeiro 25 de novembro conmemórase unha vez máis, en todo o mundo e baixo os auspicios da Nacións Unidas, o Día internacional para a eliminación da violencia contra as mulleres. Unha data que serve para reafirmar o noso compromiso coas vítimas desta senrazón que se vive na nosa sociedade e que causa un número de mortes intolerable nunha sociedade avanzada e democrática, e momento no que enviamos unha mensaxe de compromiso na consecución dunha sociedade na que non teña cabida a desigualdade entre mulleres e homes.
A través de diferentes actuacións, pretendemos a sensibilización e a concienciación de toda a sociedade, para que cada un no seu ámbito de actividade e no marco das súas responsabilidades, reflexione sobre a necesidade dun posicionamento claro e decidido en contra de calquera manifestación de violencia contra as mulleres, síntoma da desigualdade que pervive aínda en moitas esferas da vida.
A mensaxe enviada desde a Xunta de Galicia neste 25 de novembro incide na necesidade da denuncia dos feitos violentos, como a única maneira de previr con eficacia, de dar a coñecer a necesidade de apoio por parte da vítima e de castigar o maltratador, pero preténdese tamén animar á eliminación da indiferenza ou da tolerancia cara a un fenómeno do que, pola súa incidencia e por darse en todos os ámbitos da sociedade, moitas veces sabemos máis do que queremos recoñecer. Debemos reprobar con toda contundencia as condutas violentas, apoiar as vítimas e pór o esforzo común na educación das xeracións máis novas, para que, a través da prevención e da formación, sexamos capaces de eliminar esta lacra intolerable.
A Xunta de Galicia quere reiterar o compromiso asumido de traballar intensa e conxuntamente na colaboración interinstitucional, na ampliación da protección das vítimas e na mellora da súa recuperación física, psicolóxica e social, así como na sensibilización de toda a sociedade, moi particularmente da xente máis nova.
O goberno galego quere manifestar o seu apoio aos fillas e fillos das vítimas e ás súas familias, agradecer o traballo desenvolvido polas organizacións civís coas que colabora na tarefa da prevención, a sensibilización e a intervención nos casos de violencia de xénero que se dan, e animar toda a cidadanía a facer da igualdade e do rexeitamento á violencia un dos piares do presente e do futuro de Galicia.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
