NOTA DE PRENSA
O Observatorio da Mariña pola Igualdade chama á sensibilización contra a violencia machista cun pasarrúas, lectura de poemas e exposición de obras do artista mariñán Celso Dourado
Os actos terán lugar este xoves 25, a partir das 19.30 horas, en Ribadeo
No día contra a violencia machista, o Observatorio da Mariña pola Igualdade chama á sensibilización das mariñás e mariñáns cun programa de actos festivo-reivindicativos que se desenvolverán en Ribadeo.
Este xoves 25, a partir das 19.30 horas, o grupo “Tumba e Dálle” abrirá o programa cun pasarrúas pola praza do Cantón e arredores. Unha hora máis tarde, ás 20.30, a Casa do Viejo Pancho acollerá un recital poético contra a violencia de xénero, no que persoas de Ribadeo con responsabilidades no mundo da cultura, da educación ou da política lerán os poemas de Rosalía de Castro, Marica Campo, Marta Dacosta, Uxía Senlle, Helena Villar, Antía Otero ou Marilar Aleixandre. No mesmo emprazamento, terá lugar de seguido a inauguración dunha mostra de obras coa temática da violencia de xénero realizadas polo artista barreirense Celso Dourado, quen ademais intervirá no acto para falar da súa experiencia na composición das obras e do que pretende transmitir con elas. A exposición permanecerá aberta durante dúas semanas, desde o mesmo día 25 até o 10 de decembro, e poderá verse en horario de 10:00h- 13:00h e de 16:00h a 20:00h de luns a venres.
O acto rematará coa lectura dun MANIFESTO para reivindicar a reflexión e comprensión das causas que xeran este tipo de violencia, así como para avaliar os avances e aspectos pendentes.
Na actividade colabora o Concello de Ribadeo, así como o Centro Comercial Aberto de Ribadeo. Como parte tamén da sensibilización necesaria contra a violencia de xénero, nos últimos días repartíronse polos comercios ribadenses globos brancos coas iniciais das mulleres asasinadas como resultado de actitudes machistas e das desiguais relacións de xénero que perviven na nosa sociedade. Igualmente, os comercios colaborarán co Observatorio na difusión da actividade, de forma que terán dispoñíbel toda a información sobre o acto.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
