Nota de Prensa
A Deputación iniciará as obras do Centro de Recría no 1º trimestre do ano se a Xunta concede en tempo e forma o permiso ambiental
– A Vicepresidenta Segunda reclama ó goberno autonómico a axilidade nos prazos, xa que se trata do proxecto máis agardado por todos os gandeiros
– O alto grao de execución dos proxectos europeos Innova-TE e Pacto Provincial polo Emprego permite un adelgazamento do Orzamento do INLUDES ata os 10 M€ en 2011
– Lara Méndez destaca que “é o presuposto do cumprimento dos grandes programas que esixían grandes anualidades e que corresponden os grandes retos como a implantación da eadministración na provincia ou a creación de traballo estable”
– Realizarase un grande esforzo no control do estado de gastos, de tal xeito que dentro deste capítulo as retribucións de persoal descenden un 12,37% con respecto a 2010 e crearanse as primeiras bolsas para potenciar ós mais e deseñadores máis punteiros de Lugo
A Vicepresidenta Segunda da Deputación, Lara Méndez, presentou este martes o Orzamento do Instituto de Desenvolvemento Económico e Social (INLUDES) para 2011 que sufre un lixeiro adelgazamento debido ó alto grao de execución no que se atopan os programas europeos Innova-TE –do que xa está comprometido o 100% do investimento- e Pacto Provincial polo Emprego, cofinanciados nun 70% por Fondos FEDER en nun 80% polo Fondo Social Europeo, respectivamente. Deste xeito, o Presuposto, que está avalado polo Plan Económico-Financieiro que lle permite ó organismo provincial acadar a estabilidade presupostaria neste ano, cífrase en 10.519.986 euros e será aprobado o xoves polo Consello Reitor.
Neste senso, Lara Méndez subliñou que “sufre un lixeiro adelgazamento a consecuencia de que rematamos todos os programas nos que levamos traballando dende 2009 cofinanciados por Europa. Estes proxectos desenvólvense por anualidades, polo que a achega do último ano é menor. Por iso, o Orzamento global baixará uns 3 millóns de euros”.
Asimesmo, a titular da Área de Promoción Económica e Emprego puntualizou que “é un Orzamento realista, tal e como esixe a situación económica actual que nos obriga a facer unha política austera, realizando un grande esforzo no control do estado de gastos”. Neste senso, salientou que, dentro deste capítulo as retribucións de persoal descenden un 12,37% con respecto a 2010, debido á diminución de cargas sociais e ó mantemento da reducción do 5% das retribucións.
Inicio das obras do Centro de Recría se resposta a Xunta
O Orzamento contempla catro liñas de actuación principalmente. A primeira, a aposta polo sector agrogandeiro e polo medio rural como unha alternativa de futuro. Neste senso, Lara Méndez anunciou que a Deputación iniciará as obras do Centro de Recría na Granxa Gayoso Castro no primeiro trimestre de 2011 sempre e cando a Xunta de Galicia lle conceda ó organismo provincial en tempo e forma a declaración de impacto medioambiental; requisito indispensable para poder comezar cos traballos.
“O Pacto polo Campo, que sempre pide o Presidente a todas as administracións, vai da man do primeiro Centro de Recría público de España de gando frisón. Aproveito a ocasión para reclamar á Xunta por enésima vez que nos conceda a declaración de impacto medioambiental, xa que é o investimento máis agardado polos gandeiros da provincia”. A este respecto, destacou que o proxecto máis revolucionario do agro galego é un exemplo do forte compromiso que a Deputación mantén co sector malia que non ten competencias directas nesta materia, xa que esta é unha cuestión que lle atinxe ó Goberno galego, quen vén de recortar nun 21% o presuposto da Consellería para o vindeiro ano, é dicir, 134 millóns menos para o rural.
A administración electrónica en tempo récord
A segunda liña de actuación inclúe o remate da implantación da administración electrónica na provincia co programa Innova-TE. No ano 2011 culminarase a administración sen papeis, aberta as 24 horas do día e os 365 días do ano, grazas a que a Deputación, a través do INLUDES, concluirá o programa máis ambicioso de Galicia en canto a TICs se refire, tanto en presuposto como por prazos: 9 millóns de euros que garanten a eadministración en menos dun ano.
A partida destinada para esta actuación ascende a 1.365.000 euros porque a restante cantidade que completa o orzamento toal está en plena execución. “Con todo, de nada serve que nós estemos dotando tecnoloxicamente ós Concellos e rematemos nun tempo récord o proxecto se a Xunta non dota á provincia da banda ancha ata 2013 como ten previsto. É dicir, dous anos tarde”.
Dentro do Innova-TE, a Vicepresidenta Segunda anunciou varias actuacións que se acometerán de xeito inmediato, e que estarán a pleno rendemento o vindeiro ano:
a) Dos 51 Concellos que, voluntariamente se sumaron á iniciativa, unha vintena xa aprobarán este mes a Ordenanza que dá validez legal ós 120 trámites que poderán realizar os seus veciños a través da Rede; documento que foi redactado e trasladado pola Deputación ós municipios.
b) 26 Concellos xa aceptaron o prototipo de portal web creado dentro do programa tecnolóxico. Nas vindeiras semanas moitos deles entrarán de funcionamento.
c) O 1 de xaneiro o Boletín Oficial da Provincia deixará de editarse en papel e pasará a dixital, o que lle permite aforrar á Deputación 400.000 euros.
e) E, a principios de ano, entrará en funcionamento o primeiro Centro de Asesoramento Empresarial da provincia “co que fomentamos a creación de emprego e conseguiremos que as empresas sexan máis competitivas mediante o uso das novas tecnoloxías”.
Complementario ó Innova-TE tamén se rematará o Parnet-TIC, o proxecto transfronteirizo no que participan 8 administracións locais de España, Francia e Portugal, e que contará cunha partida de 68.066 euros.
Creación de emprego e medio ambiente
En 2011 concluirase o Pacto Provincial polo Emprego, o programa cofinanciado nun 80% polo Fondo Social Europeo para crear traballo. A partida que se destina a este fin é de 630.893 euros. Nestes momentos, estase rematando de baremar as probas realizadas recentemente para ter a selección dos 540 desempregados da provincia que se formarán profesións con máis futuros da provincia. Dentro desta liña de actuación, tamén se manterán as axudas para impulsar o tecido empresarial da provincia cunha partida específica de 554.000 euros, e incrementaranse as axudas para o desenvolvemento de feiras agrogandeiras, artesanais, pesqueiras e de promoción dos produtos autóctonos. Neste caso, o cantidade que se reserva é de 191.000 euros.
A derradeira liña de actuación é seguir apostando polo medio ambiente. Neste senso, baixo o nome de Lugo Enerxía, Lara Méndez adiantou que en decembro estará a pleno rendemento no INLUDES a Axencia Provincial da Enerxía, que conta cun investimento de 432.062 euros para o vindeiro ano. Ademais, destinaranse 312.750 euros á mellora dos Centros de Interpretación da Natureza que xestiona o INLUDES.
Centro de Artesanía e Deseño
O Centro de Artesanía e Deseño manterá para o vindeiro ano o orzamento, 1.694.299 euros, para seguir apoiando ós artesáns da provincia neste momento de crise e para seguir innovando na Capela de Santa María, que coas 7 exposicións que acolleu no último ano imprimiulle maior ritmo á súa actividade. Un exemplo é a mostra internacional de Leonardo da Vinci que será inaugurarada este xoves. Asimesmo, por primeira vez crearanse unhas bolsas para premiar e potenciar ós artesáns da provincia e ós deseñadores máis punteiros.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
