Nota de prensa
O deputado popular quixo saír ao paso dalgunhas “mentiras claras” que os nacionalistas están a difundir durante os últimos meses na Mariña lucense en relación co POL e acusou ao BNG de moverse “na contradición permanente” pois en Santiago manteñen un discurso distinto do que están a defender na nosa comarca.
BALSEIRO ASEGURA QUE O POL NON AFECTA A SOLOS URBANOS CONSOLIDADOS, NIN A NÚCLEOS RURAIS, NIN A NINGÚN INMOBLE INDIVIDUALMENTE, E PERMITE AMPLIACIÓNS E ACTUACIÓNS DE CONSERVACIÓN DENTRO DO QUE DETERMINE A NORMATIVA URBANÍSTICA MUNICIPAL
* O artigo 93 da futura normativa establece de xeito tallante que o POL non deixa a ningunha vivenda fóra de ordenación, nin establece ningún tipo de expropiación ou orde de derrubo.
* As edificacións e usos legalmente implantados antes da entrada en vigor do presente Plan poderán seguir desenvolvendo a súa actividade con independencia da súa conformidade co POL, será o planeamento municipal quen estableza os parámetros e condicións para a súa reforma no futuro.
Santiago, 12 de novembro de 2010.- O deputado do Grupo Parlamentario Popular, Jose Manuel Baslerio Orol, asegurou que o Plan de Ordenación do Litoral (POL) non afecta a solos urbanos consolidados, ni a núcleos rurais, nin a ningún inmoble individualmente, e permite ampliacións e actuacións de conservación dentro do que determine a normativa urbanística de cada concello. Balseiro Orol quixo saír ao paso dalgunhas “mentiras claras” que os nacionalistas están a difundir durante os últimos meses na Mariña lucense en relación co POL e acusou ao BNG de moverse “na contradición permanente”, xa que “no Parlamento critican o POL porque o consideran demasiado permisivo e cun baixo nivel de protección ao tempo que nos municipios da costa afirman todo o contrario”.
O deputado popular insistiu en que “facéndose pasar por expertos en urbanismo, pero con claro descoñecemento de todos estes temas, os nacionalistas están a xerar “alarmas gratuítas en base a falsidades” sobre o obxecto e as consecuencias do POL. Balseiro Orol quixo deixar claro que “ningunha vivenda queda fóra de ordenación como consecuencia da aplicación do Plan do Litoral” pois “nin entra nas vivendas construídas, nin altera o réxime urbanístico do solo, nin expropia vivendas ou ordena demolicións” principios que aparecen establecidos de xeito tallante no artigo 93 da futura normativa. Incluso as edificacións e usos legalmente implantados antes da entrada en vigor do presente Plan poderán seguir desenvolvendo a súa actividade con independencia da súa conformidade co POL, será o planeamento municipal quen estableza os parámetros e condicións para a súa reforma no futuro.
INAPRAZABLE E NECESARIO
Balseiro sinala que acometer un plan destas características era “inaprazable e necesario”, porque sempre é necesario e inaprazable contar cun marco xurídico estable para todo o litoral galego, e protexer un espazo dos máis característicos de Galicia, “pola súa singular beleza e por ser un dos maiores atractivos que temos como país”. A exhaustividade do POL é tal, que ademais de consagrar un modelo territorial propio, non hai un só quilómetro que non estea estudado no documento. “As condicións da costa galega non son iguais en todas partes, e debemos regular o litoral con principios xerais pero coñecendo quilómetro por quilómetro a costa que temos”.
ESTUDAR AS SINGULARIDADES PALMO A PALMO
O deputado popular insistiu na idea que mantivo desde o principio baseada en que “ordenar o territorio é contrario que prohibir” e explicou este feito lembrando que a diferenza do que fixo o bipartito, que decidiu prohibir con carácter xenérico a construción en toda a franxa de costa, sen estudar palmo a palmo as singualirdades do territorio, o POL proporciona unhas regras de xogo claras, analizando concello por concello as circunstancias especiais de cada termo municipal.
VOCACIÓN DE CONSENSO E PERMANENCIA NO FUTURO
Balseiro conclúe significando que o POL constitúe o comezo “da protección real e integral da costa galega”. E nesa tarefa “na que –creo– todos coincidimos” cómpre agradecer as distintas alegacións e achegas que desde os concellos da Mariña se están a facer co obxecto de enriquecer o POL antes da súa aprobación definitiva a finais de ano. O deputado popular insiste en que desde o seu inicio este plan naceu “con vocación de consenso e de permanencia do futuro”, dous factores básicos á hora de abordar as propostas realizadas polos concellos para protexer “dun xeito harmonizado, estable e imprescindible o noso litoral, o patrimonio natural que queremos herdar ás xeracións futuras”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
