Estrada da costa, subida ao alto de O Cruceiro, en Xove
Nota de prensa:
O dispositivo da Deputación continúa a traballar para abrir ó tráfico as 34 estradas que permanecen pechadas por neve
– Gómez Besteiro supervisou o intenso traballo que están a levar a cabo as empresas adxudicatarias do mantemento dos viais de titularidade provincial para restablecer a situación canto antes
– En total, están a traballar máis de 60 operarios e uns 90 vehículos para garantir a seguridade dos usuarios que circulen pola rede viaria da Deputación
– A intensidade do temporal fixo que en tan só dúas horas o dispositivo se repartisen dúas toneladas de sal, que se engaden ás 80 esparcidas no día de onte
O amplo dispositivo despregado pola Deputacion para atender as incidencias ocasionadas polo temporal de neve que está a azotar a provincia continúa a traballar ininterrumpidamente dende a madrugada de hoxe. A caída das temperaturas durante a noite provocou que practicamente toda a rede viaria provincial se vise afectada polos efectos da neve e do xeo. Precisamente, o Presidente da Deputación, José Ramón Gómez Besteiro, estivo supervisando o traballo que están a levar a cabo en varios viais da Montaña luguesa as empresas adxudicatarias do mantemento dos viais de titularidade provincial. Concretamente, Gómez Besteiro percorreu a CP 6201 que vai de Triacastela, polo Alto da Albela, a Guilfrei.
Arestora, están pechados ó tráfico 34 viais a consecuencia da neve que impide a circulación por elas. En total, están a traballar máis de 60 operarios e uns 90 vehículos para garantir a seguridade dos usuarios que circulen pola rede viaria provincial. Deste xeito, o servizo de Vías e Obras agarda que estas estradas queden limpas ó longo do día. Os traballos céntranse fundamentalmente na retirada de neve que fixo un maior acto de presenza nos municipios da Montaña.
Asimesmo, estase a esparcir sal na calzada debido ás pracas de xeo que se formaron coa caída das temperaturas durante a noite. En tan só dúas horas repartíronse dúas toneladas, que se engaden ás 80 empregadas no día de onte.
Estradas pechadas ó tráfico
As empresas adxudicatarias do mantemento da rede viaria da Deputación están a actuar practicamente nas 8 zonas nas que o organismo provincial ten distribuída a rede viaria. Os viais que presentan maiores problemas e polos que é imposible a circulación, son as seguintes: na Zona 1 permanecen pechadas a CP 6502, que comunica os Concellos de Vilalba, Muras e Xermade. Zona 2: as CPs 0101, 6305, 6306, no Valadouro; 0212, 0208 e 0204 en Alfoz; 2801, en Lourenzá; 5506, en Trabada; 3106 en Mondoñedo; 0101, 0104, 0103, 0105, en Abadín; 1904, 4802, 4811 e 4803, en Pontenova; 4401, 4402 e 5504, en Riotorto; 1106, 4401 e 4402, en Pastoriza. Zona 5: 1906 en Fonsagrada; 3601 en Negueira de Muñiz; 3502 e 0708 en Navia de Suarna. Zona 7: 5601 en Samos, e 1301, 1304 e 4502, en Pedrafita.
Tendo en conta as previsións meteorolóxicas, a Deputación recomenda circular con precaucion por toda a rede viaria e manterá en alerta o dispositivo despregado para atender as incidencias por neve e xeo que poidan xurdir ó longo das próximas horas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
