Nota de prensa
Basanta denuncia un pacto PP-PSOE sobre o urbanismo en Foz
O BNG levara ao Pleno unha moción para clarificar a situación urbanística fóra da vila
Foz, a 14 de xaneiro de 2011.- O Bloque Nacionalista Galego anunciou hoxe que levará unha moción ao vindeiro Pleno da Corporación a fin de que se clarifique a situación na que fica o Solo de Núcleo Rural no Concello de Foz, unha vez que desde Alcaldía se negan a convocar a Xunta de portavoces solicitada e que a Xunta de Galiza segue sen responder no Parlamento as solicitudes que respecto do mesmo ten presentado esta forza política desde o mes de setembro.
Segundo palabras de Xoán Carlos González Basanta “a negativa de Rivera a convocar a Xunta de Portavoces e o silencio da Xunta, evidencian xa non a ausencia absoluta de talante dunha ou doutra administración, senón a corrección da exposición que fixo a nosa organización respecto a imposibilidade que existe a día de hoxe de poder acometer usos residenciais fora da vila. Uns e outros levaron ao noso Concello a unha situación limite e aí está non só a documentación do POL para demostralo senón tamén os diferentes informes urbanísticos elaborados pola Xunta de Galiza e o Concello de Foz”. O Portavoz Nacionalista criticou que nun tema desta envergadura que elimina usos residenciais, que deixa vivendas fora de ordenación, que nos fala de modificacións ilegais do planeamento, que agocha informes á cidadanía da propia Dirección Xeral de Urbanismo, uns e outros garden silencio, o que non deixa lugar a dúbida do pacto que a nivel urbanístico existe entre populares e socialistas, algo que por outra banda non é novo pero que cada día é máis evidente.
O portavoz local do BNG volveu a insistir “o Arquitecto Municipal en informe elaborado o 21 de abril de 2009 afirma que se procedeu a modificar o planeamento de xeito ilegal e facendo referencia expresa a que varios dos núcleos recoñecidos sono sobre solo clasificado como urbanizable nas normas aprobadas en 1981, producindo unha modificación na clasificación do solo sen que se seguise o procedemento legalmente establecido para iso”. “Non poderá afirmar o Alcalde que descoñece este informe, pois el mesmo o enviou a Dirección Xeral de Urbanismo en Maio de 2009,” continuou Basanta quen explicou que “no mesmo se fala que se atopan nesta situación o núcleo de Cangas por superporse ao SUB 2 de prescrición de usos mixtos, o núcleo de Fazouro ao SUB 3,4 e 5 de prescrición residencial dispersa e ao SUB 6 de prescrición industrial; o núcleo da Corredoira ao SUB 11 de prescrición residencial e o núcleo de Vilaronte ao SUB 10 e 12 de prescrición de usos mixtos”. Os nacionalistas consideran que non remata aí o problema pois isto é unha mínima parte do que se recolle neste documento de cinco folios que desde a Alcaldía se negan a explicar e que ten a súa base nun documento anterior da propia Dirección Xeral de Urbanismo que o Alcalde de Foz nunca chegou a darlle entrada no rexistro municipal do Concello.
Basanta demandou ao Grupo de Goberno “a que explique porque o 12 de Maio de 2008 lle solicita a Dirección xeral de Urbanismo que aclarase a normativa a aplicar no solo de núcleo rural e que faga público o informe da Dirección Xeral de Urbanismo do 29 de decembro de 2008 e do que vimos solicitar copia na propia Xunta diante da negativa de Rivera a explicalo. Sería bo que tamén o alcalde aclarase as razóns que o levaron a solicitar a Xunta suspensión do Planeamento en Abril de 2009 se non había problema coa normativa que se recollía nas NSP do 81 conforme á cal procedeu a conceder licencias nos momentos de maior presión urbanística”. O BNG ten claro que nos enfrontamos a dous debates cruzados, un que ten a ver coa xestión de Rivera anterior a impugnación das licencias pola Xunta e un segundo que está vinculado con diferir o problema do POL a despois das Eleccións Municipais.
Xa por último, queremos lamentar o monte de irresponsabilidade de populares e socialistas que estamos a pagar todos os veciños de Foz que nos atopamos cunha normativa urbanística na cartografía do POL que impiden usos residenciais fora da vila. “Volvemos aos apaños urbanísticos do PP e do PSOE, aínda así o que non poden negar estes, e que existe un informe do Arquitecto Municipal 21 de Abril de 2009, no que afirma que se procedeu a modificar en 1990 o Planeamento de xeito ilegal e outro informe da DXU que informe sobre a aplicación indebida das ordenanzas das normas do 81, en determinadas bolsas de solo do Concello”, recalcou Basanta.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
