Nota de prensa
Dende a executiva local do PSdeG-PSOE de Burela, parécenos moi ben que un membro da AAVV O Vencello defenda á súa presidenta. Non esperabamos o contrario de quen, no exercicio de libertade como cidadán, colabora como interventor do PP en todas e cantas eleccións se celebran neste país dende a instauración da democracia. E tampouco, esperabamos outras declaracións de quen é un membro fixo das peregrinacións que fai esta asociación a Santiago da man sempre do portavoz do PP de Burela. Máis ben, poucas esperanzas habia de imparcialidade dunha directiva que cando a Xunta era gobernada por un presidente socialista nos tiña acostumados a manifestacións ou declaracións nas que, casualmente todo tiña que ver coas competencias do goberno galego. Recordamos todos a “moviilización” que conseguiran na Praza da Mariña no tema do abastecemento da auga, entre outras delicadezas.
Dende fai dous anos que o goberno galego pasou a mans do PP, xa só lles preocupa máis actuacións doutras administracións, que precisamente, non son de competencia autonómica. Nunca vimos unha nota de prensa ou unha protesta reclamando que se axilizaran execucións pendentes das riadas de xuño, ou recoñecendo que teña que ser outra administración a que arranxe os desperfectos causados por inclemencias meteorolóxicas porque a competente nin se dignou a poñer o pe na lama para proceder a unha pronta recuperación da zona danada. Como tampouco se posicionaron á favor da plataforma cando foi a multitudinaria manifestación feita en defensa do Hospital da Costa. Neste sentido, ben que se apurou o portavoz do PP de Burela de atoparlles unha entrevista co político de turno en Compostela para volver a Burela como “corre,ve y diles” de que o resto de asociacións e colectivos de A Mariña, xunto con persoas anónimas comprometidas, que defendían e defenden o non desmantelamento e as carencias que ten hoxe en día o Hospital, eramos pouco menos que uns difamadores, uns pancartistas e uns alborotadores. Según eles, só se perseguía o desgaste da política sanitaria desenvolvida polo Sergas. O resultado, está á vista de todos: listas ocultas, número un de Galicia en listas de espera, e as molestias de trasladarse a clínicas privadas para simples probas diagnósticas que antes se facían no propio Hospital.
Tampouco se posicionaron, recalcamos que ata o 2009 si, no tema das autopsias que siguen sempre penosamente de actualidade. Correndo outra vez para Santiago, recalcamos co portavoz do PP de Burela entrevista no Imelga, e seguimos igual, desafortunadamente para as familias dos falecidos que se preguntan si non é máis cómodo para todos trasladar a dous forenses a Burela, que facer todo o despliegue do traslado do cadáver a Lugo. Todo está ben: “pensamos para el pueblo” nos acaba de decir nun comunicado este membro da directiva da asociación.
Con respecto á manifestación do acceso ao porto que nos lle pedimos, permítanos que o corrixamos: só faltaría que convocaran unha movilización contra unha resolución xudicial de paralización das obras. Ata aquí chegamos, pero non esqueza que o acceso comezou cun presidente socialista, xa que foi un goberno socialista quen apostou por esta necesidade tan imperante que ten Burela hoxe en día. En cambio, non foi un goberno socialista quen, tras dous anos, de repente atopa a solución. Unha modificación do proxecto que retrasará inexorablemente durante tres anos a execución deste trazado, sospeitando a perda de fondos europeos que tiña asignados para o seu desenvolvemento. Esto non é “sacar partido para sus intereses”, como vostede di, xa que a manifestación que lles propoñíamos era para defender os dereitos de todos os veciños de Burela para tan importante necesidade. Sexan valentes. Apoien ao pobo de Burela, porque quen tiña que loitar por elo, perdido en liortas de elaboración da lista da candidatura, o partido que hoxe está na oposición no Concello, non tomará represalias coa súa asociación, que o que realmente interesa a esta executiva do PSdeG-PSOE é o benestar do pobo, a súa modernización, o seu futuro, e a defensa dos dereitos que nos corresponden. Supoñemos que o mesmo que ao PP e á asociación que vostedes representan.
EXECUTIVA LOCAL DO PSdeG-PSOE BURELA.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
