Nota de prensa 1/2
A S.D. BURELA PARTICIPOU NO MARATÓN DE LECTURA DE BURELA
Diversos integrantes da S.D. Burela colaboraron activamente no Maratón de Lectura que tivo lugar na nosa vila na histórica xornada do día 22 de febreiro de 2011. Estas persoas comprometidas co deporte de base contribuíron a que en Burela se realizase unha singular actividade de animación á lectura que durou máis de doce horas.
Convocada pola Delegación de Cultura do Concello de Burela, salón de plenos do Concello de Burela, ás tres da tarde chegou ao Salón de Plenos unha representación da S. D. Burela, baixo a coordinación de Celso Trobo Castro, quen se encargou de seleccionar a obra de lectura e de contactar con todos e cada un dos lectores.
En primeiro lugar, tomou a palabra Suso Pena, entrenador do primeiro equipo; e seguidamente continuaron coa lectura Raúl Rego –histórico integrante das xuntas directivas desta sociedade deportiva- e diversos xogadores (Hélder, Dani e Xosé) das categorías de base. O tamén entrenador Luís Pardo cerrou cerca das catro da tarde a colaboración da S. D. Burela, unha colaboración que xa tiña comezado en horario matutino coa lectura de Bernardo Penabade, secretario da xunta directiva.
A obra de lectura
Tanto os directivos como os entrenadores e os xogadores da S. D. Burela leron continuadamente unha obra de ficción moi directamente relacionada coa práctica deportiva. Trátase da novela O Gol Imposible, do enxeñeiro de telecomunicacións coruñés Enrique Sánchez (A Coruña, 1955).
Nota de prensa 2/2
O CLUB LARANXA PARTICIPA NO EXITOSO MARATÓN DE LECTURA DE BURELA
O club laranxa estivo presente no exitoso maratón de lectura de Burela, coa participación de Ro, Irene, Juanma e Edu, nunha iniciativa do club de lectura promovido dende a Concellería de Cultura.
As xogadoras do Burela FSF Pescados Rubén decidíronse polos relatos de Xente de aquí e de acolá, do mindoniense Álvaro Cunqueiro, o autor máis lido durante a cita no centenario do seu nacemento. Os membros do conxunto masculino, pola súa banda, escolleron unha antoloxía de Xosé Manuel González Reboredo, Lendas galegas de tradición oral.
Durante doce horas de lectura ininterrompida, pasaron polo salón de plenos consistorial nesta novidosa proposta alumnado e profesorado de centros de ensino, representantes de asociacións e colectivos, así como xente anónima, nunha cifra que roldou as 300 persoas.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
