Nota de prensa:
O voceiro popular, Pedro Puy, considera “razoable” que os tres grupos “busquemos un acordo que satisfaga as demandas e garantice a transparencia” sobre a publicación do patrimonio dos deputados
O GRUPO POPULAR COMPARTE A DECISIÓN DA MESA DE RETIRAR A ASIGNACIÓN INDIVIDUAL DOS VEHÍCULOS QUE ESTABAN A DISPOSICIÓN DOS MEMBROS DESTE ÓRGANO
A orde do día do Pleno da vindeira semana inclúe a aprobación da Lei do Patrimonio da Comunidade galega, a comparecencia do conselleiro de Medio Rural sobre a campaña de incendios forestais e o debate de dúas PNL presentadas polo Grupo Popular sobre alta tecnoloxía nos hospitais e a creación de microáreas empresariais
Santiago, 20 de setembro de 2011.- O voceiro do Grupo Parlamentario Popular, Pedro Puy, afirmou hoxe que “compartimos” a decisión tomada pola Mesa da Cámara en relación á retirada a asignación individual dos vehículos que estaban á disposición dos membros deste organo, a excepción da súa presidenta. Así mesmo, considerou “razoable que falemos entre todos os grupos parlamentarios para buscar un punto de acordo que satisfaga as demandas e garantice a transparencia” sobre a publicación do patrimonio dos deputados galegos.
Pedro Puy compareceu ante os medios unha vez celebrada a Xunta de Voceiros e anunciou que no vindeiro Pleno do Parlamento abordarase a aprobación da Lei do Patrimonio da Comunidade galega, unha norma que “contribuirá a racionalizar o uso dos bens públicos, que facía falta actualizar despois de varias décadas e que se enmarca nas liña de racionalización do uso dos cartos e os bens a disposición da comunidade autónoma”.
Así mesmo, o voceiro anunciou a comparecencia ante o Pleno do conselleiro de Medio Rural para facer un balance da campaña de incendios forestais e o debate de dúas proposicións non de lei a proposta do Grupo Popular: unha sobre a implantación dun modelo de xestión que permita renovar a alta tecnoloxía dos centros hospitalarios galegos e outra sobre a creación de mocroáreas empresariais “que permitan axustar a oferta de solo industrial á demanda existente”.
Por último, o Grupo Popular incorporou tres preguntas para a súa resposta oral polo Goberno galego: unha, sobre as xestións da Xunta para arranxar os problemas dos sistemas de cobro das autovías lusas; outra, sobre a construción do novo edificio xudicial na zona da Parda en Pontevedra; e a última, sobre a incidencia dunha nova carteira de servizos na mellora da promoción da autonomía persoal e da atención á dependencia.
RACIONALIZAR O USO DOS AUTOMÓBILES
Pedro Puy referiuse, a continuación, á iniciativa da Mesa do Parlamento para a retirada da asignación persoal dos vehículos aos membros deste órgano e amosou a satisfacción do Grupo Popular porque “os grupos da oposición non só estean agora de acordo con este tipo de medidas de austeridade, senón que ademais fagan suxerencias de mellora”.
Neste sentido, sinalou que o Grupo Popular “saudou e aplaudiu” a medida adoptada pola Mesa do Parlamento porque “compartimos a decisión de racionalizar o uso dos automóbiles que están a disposición da Cámara” e anotou que esta iniciativa “súmase ás medidas de aforro adoptadas neste Parlamento ao longo da presente lexislatura, que xa supuxeron un aforro de 1,7 millóns de euros e que situou o orzamento deste ano nas mesmas cifras que no ano 2006”.
Pedro Puy recordou que “estas medidas de racionalización do parque móbil tamén se están levando a cabo na Xunta de Galicia, que supón 1,3 millóns de euros logo de reducir un 40 por cento no número de automóbiles e baixar os gastos de peaxes, combustible, reparacións ou vestiario”. “Só hai que ver a gama de coches que utiliza o actual Goberno galego para ver onde reside o aforro ou a redución en 59 do número de coches oficiais que están a ser utilizados”, concretou.
TRANSPARENCIA E GARANTÍAS
Respecto á publicación do patrimonio dos deputados, o voceiro popular recordou que este “xa está suxeito a controis” por parte dos órganos do Parlamento, “coa obriga da custodia e a non difusión do seu contido” segundo se recolle no propio regulamento.
Sen embargo, Puy apuntou que “o razoable é que, do mesmo xeito que no seu día a normativa vixente fíxose por acordo entre os grupos tendo en conta que a incidencia destas decisións teñen moito que ver coa esfera privada dos deputados, falemos entre todos desta cuestión para buscar un punto no que se satisfagan as demandas que hai de maior transparencia por parte dos cargos públicos e haxa garantías de que eso sexa útil socialmente en relación á información que se aporta, mesmo preservando dereitos persoales e incluso a seguridade propia dos membros da Cámara”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
