Nota de prensa
As consellerías do Medio Rural e do Mar e de Economía e Industria asinarán un convenio para a substitución das actuais luminarias por tecnoloxía LED
PORTOS DE GALICIA E INEGA REALIZARÁN UN PROXECTO PILOTO DE AFORRO ENERXÉTICO NO PEIRAO DE CELEIRO
A experiencia desenvolverase nos viais do porto lucense, onde se avaliará a reducción de custes de conservación e mantemento das lámpadas
Santiago, 22 de xaneiro de 2012.- Dentro da súa aposta pola mellora da eficiencia enerxética das instalacións existentes nos peiraos autonómicos, as Consellerías do Medio Rural e do Mar e de Economía e Industria asinarán un convenio para a realización dun proxecto piloto de instalación de luminarias de tecnoloxía LED. Esta experiencia, na que Portos de Galicia e o Instituto Enerxético de Galicia (Inega) colaborarán coa a empresa Tecno Solydi, desenvolverase no alumeado exterior dos viais do porto de Celeiro, no municipio lucense de Viveiro.
O obxecto do proxecto é a avaliación dun caso práctico das teóricas vantaxes da tecnoloxía LED sobre as convencionais, respecto a unha maior eficiencia enerxética e menores custos de conservación e mantemento. Neste sentido téñense en conta especialmente as condicións meteorolóxicas agresivas que se producen nas zonas portuarias e que obrigan a unha máis coidada tarefa de conservación das instalacións.
Concretamente o proxecto consistirá na substitución de 63 luminarias con lámpadas de vapor de sodio existentes por novas luminarias de tecnoloxía LED. Así mesmo instalarase un sistema de telexestión e de redución de fluxo que permitirá optimizar ao máximo a eficiencia do alumeado, mantendo as condicións de iluminación precisas para garantir a seguridade das instalacións portuarias.
O importe total do proxecto piloto é de 50.000 euros, dos cales Portos de Galicia aporta o 30%, INEGA o 40% e a empresa colaboradora a porcentaxe restante. Dende a Administración autonómica espérase que, de non xurdiren imprevistos, o proxecto poida estar en funcionamento para a próxima primavera.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
