Nota de prensa
OS SOCIALISTAS DE CERVO PRESENTARÁN NO VINDEIRO PLENO DÚAS MOCIÓNS EN CONTRA DA REFORMA LABORAL E EN DEFENSA DA IGUALDADE
-Subliñan que “esta reforma laboral suporá a perda de moitos dereitos dos traballadores que foron adquiridos con moito esforzo dende hai anos, incrementará o paro e non incentivará a contratación”
-Con motivo do Día Internacional das Mulleres, o GMS pide que “o Goberno Central manteña as conquistas adquiridas en materia de igualdade e siga fomentando políticas neste mesmo camiño”
CERVO, 9 DE MARZO. O Grupo Municipal Socialista de Cervo vén de rexistrar no día de onte dúas mocións para debatir no vindeiro pleno, co único fin de dar marcha atrás á reforma laboral aprobada polo Goberno de España e de conmemorar o Día da Muller Traballadora instando ó Goberno Central a manter os logros alcanzados en materia de igualdade e a continuar impulsando políticas nesta mesma liña.
En relación á reforma laboral, os socialistas subliñan que se estas medidas son aprobadas polas Cortes Xerais, “as consecuencias serán moi negativas sobre os dereitos dos traballadores, uns dereitos adquiridos dende hai anos e polos que tivemos que loitar con moito esforzo”.
Destacan que “a reforma laboral non vai resolver a grave crise que sofre a economía española e non vai rebaixar a alta taxa de paro existente. Todo o contrario, incrementará o desemprego e vai supoñer a degradación das condicións de traballo, pois está enfocada a facilitar e abaratar o despido a 20 días, a reforzar o poder dos empresarios para baixar os soldos dos traballadores sen necesidade de acordos, a crear novos contratos que permiten o despido libre e gratuito, a abrir o camiño dos despedimentos colectivos no sector público e a anular a capacidade de negociación dos sindicatos para defender os dereitos dos traballadores”.
Os membros do PSOE de Cervo insisten en que estas medidas “están pensadas para facilitar a destrucción de postos de traballo e non para incentivar a contratación. A reforma é inxusta dende o momento en que os traballadores perden dereitos e se dá todo o poder ós empresarios”.
En defensa da igualdade
Con motivo do 8 de marzo, Día Internacional das Mulleres, os socialistas de Cervo presentaron no rexistro unha moción para debatir no vindeiro pleno, “coa finalidade de instar dende o Concello ó Goberno Central a manter as conquistas adquiridas en materia de igualdade e a seguir impulsando políticas que nos leven polo mesmo camiño”.
Un dos cambios máis importantes que se teñen producido na nosa sociedade durante as últimas décadas ten sido a evolución da situación das mulleres e o avance da lexislación sobre igualdade, “a pesares das dificultades, non podemos permitir que este proceso, que é positivo para a sociedade no seu conxunto, sufra retrocesos nin se paralice. Cremos necesario defender e manter os dereitos logrados, seguir impulsando actuacións que garantan unha igualdade efectiva e que sexa certo o compromiso de facer da igualdade un principio reitor de todas as nosas políticas”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
