300 estudantes da Zona Sur, A Mariña e Lugo coñecen a riqueza natural e cultural da provincia nas rutas de Km0 desta semana
– Os rapaces, de entre 3 e 17 anos, pertencen a 6 centros educativos de Monforte, Quiroga, Viveiro, Burela, Lugo e Mondoñedo
– O Deputado de Cooperación recibiu hoxe a 55 rapaces do IES monfortino Daviña Rey e a outros 55 do CEIP quirogués, que redescubriron Guitiriz e Burela, respectivamente
Preto de 300 estudantes da Zona Sur, A Mariña e Lugo coñecerán a riqueza natural e cultural da provincia nas rutas de Km0 que terán lugar esta semana. Os rapaces, de entre 3 e 17 anos de idade, pertencen a 6 centros educativos de Monforte, Quiroga, Viveiro, Lugo e Mondoñedo. A iniciativa da Deputación esperta o interese dos colexios e institutos lucenses como recurso didáctico para amosar ós alumnos os valores patrimoniais de Lugo, así como as características do seu tecido socioeconómico. Proba dese interese é a cantidade de estudantes que participaron no último ano no proxecto: uns 2.000 rapaces de 40 centros educativos, dos que na súa gran maioría foron colexios de primaria e o resto, institutos de secundaria.
A programación da semana arrancou este luns con dous itinerarios por Guitiriz e Burela, que realizaron 55 alumnos do IES Francisco Daviña Rey de Monforte e 55 do CEIP Quiroga, respectivamente. Ambos grupos foron recibidos polo Deputado de Cooperación e Asistencia ós Concellos, Juan José Díaz Valiño, no Salón de Plenos do Pazo de San Marcos. Seguidamente, os rapaces do instituto monfortino visitaron o mazo de Santa Comba, comeron no restaurante La Casilla de Guitiriz, Concello no que coñeceron a fonte do balneario, o reloxo analemático e a panadería La Esquina, e realizaron parte dunha ruta de sendeirismo. Pola súa banda, os rapaces do colexio público de Quiroga achegáronse ás instalacións da Fundación TIC e, xa en Burela, comeron no restaurante Palacio de Cristal e visitaron no porto a lonxa, o barco boniteiro e a nave de redeiras.
O mércores, 48 nenos do CEIP de Covas en Viveiro farán un percorrido pola Ribeira Sacra e 55 do IES Monte Castelo de Burela gozarán dunha ruta pola cidade de Lugo. Os vivarienses iniciarán o itinerario cunha visita á Fundación TIC para comer logo no restaurante La Cantina de Sober e embarcar en Doade para facer unha ruta en Catamarán pola zona de Amandi. En canto ós rapaces do Monte Castelo, visitarán o Centro de Interpretación Terras do Miño, no Paseo do Rato, o núcleo de Santa Eulalia de Bóveda, o adarve da Muralla e o seu centro de interpretación, a catedral e as termas. A comida terá lugar no restaurante Los Robles.
O programa concluirá o xoves con dúas rutas por Ribadeo, solicitadas polo CPR La Milagrosa de Lugo e o IES San Rosendo de Mondoñedo. No caso do centro lucense, 24 persoas achegaranse ó Centro de Interpretación Terras do Miño, comerán no restaurante ribadense La Solana e logo gozarán dunha xornada de multiaventura na vila mariñana. Os estudantes de Mondoñedo, pola súa banda, desprazaranse á Fundación TIC, comerán no restaurante Marinero de Ribadeo, farán unha travesía pola ría e visitarán o casco histórico e o convento das Clarisas.
Como inscribirse
Todos os interesados en participar en Km0 poden inscribirse de xeito rápido e sinxelo chamando ó número de teléfono 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa, os participantes teñen un desconto do 10% no custe das actividades.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
