Coincidencias na xuntanza que mantivo hoxe cos representantes dos traballadores o secretario xeral dos populares lucenses e secretario da Mesa do Parlamento
BALSEIRO TRASLADA AOS SINDICATOS DAS AUXILIARES DE ALCOA O APOIO DO PP A DOUS PROXECTOS ESTRATÉXICOS PARA O FUTURO DA COMPAÑÍA: UNHA TARIFA ELÉCTRICA REDUCIDA E O GASODUTO DA MARIÑA
Lembra que o PP fixo posible –a través dunha emenda súa que foi asumida na súa integridade- o acordo do Parlamento galego dirixido a obter unha tarifa eléctrica máis competitiva para Alcoa.
Foi un goberno do PP quen desbloqueou o proxecto de gasoduto da Mariña e quen mobilizou 2,6 millóns de euros para gasificar o centro de traballo sito en San Ciprián da multinacional do aluminio.
Cervo, 28 de maio de 2012.- Hoxe ás 16.00 horas daba comezo nos locais sindicais de Alcoa en San Ciprián (Cervo) unha xuntanza na que participaron o secretario xeral dos populares lucenses e secretario da Mesa do Parlamento, Jose Manuel Balseiro, e os representantes dos traballadores das principais empresas auxiliares de Alcoa.
DOÚS PROXECTOS NOS QUE XA VEN TRALLANDO O PP
No devandito encontro os representantes sindicais trasladáronlle a Balseiro dous asuntos –a negociación da tarifa eléctrica e o desrpregue do gasoduto da Mariña- que coinciden con dous ámbitos nos que xa vén traballando fai tempo o Partido Popular e respecto dos que xa impulsou iniciativas moi relevantes, tanto a nivel político como desde os respectivos gobernos.
Balseiro quixo manifestar o apoio firme e decidido do Partido Popular aos dous proxectos estratéxicos máis importantes no obxectivo de garantir a competitividade e futuro deste enclave industrial e, polo tanto, tamén dos postos de traballo a el asociados.
TARIFA ELÉCTRICA
No tocante á tarifa eléctrica o dirixente popular lembrou que o Parlamento de Galicia asumiu na súa integriadde unha emenda do Partido Popular -defendida por el mesmo na súa condición de deptuado- e aprobaba, nas pasadas datas e por unanimidade pedir ao Goberno do Estado a revisión e redución das tarifas eléctricas que abona Alcoa e outras empresas industriais consideradas como grandes consumidores de enerxía.
A importancia desta decisión vén dada porque a factura da luz é o principal custe de produción desta compañía e, polo tanto, acordar a súa variación á baixa inflúe significativamente na competitividade e viabilidade da mesma.
GAS NATURAL
Por outra banda Balseiro lembrou que a Xunta mobilizou investimentos por valor de 2,6 millóns de euros, destinados a instalacións para o almacenamento de gas natural e a reconversión de fuel-oil a gas natural na planta de San Ciprián. O proxecto, financiado pola Xunta, permite a substitución do fuel-oil por gas natural, na planta de Alúmina do complexo de Alcoa San Ciprián, que inclúe unha fábrica de aluminio primario e instalacións de servizos comúns, entre as que destaca o porto, e produce 1,5 millóns de toneladas de alúmina e 250.000 toneladas de aluminio, ao ano.
Ao mesmo tempo Balseiro lembrou que o apoio do Goberno galego á posta en marcha do proxecto gasista de Alcoa en San Ciprián, foi determinante para lograr o inicio da tramitación do Gasoduto da Mariña, e polo tanto o desbloqueo na tramitación administrativa deste proxecto, o que significa que a construción do Gasoduto poderase atender á demanda de núcleos de poboación próximos á planta en beneficio de máis de 18.000 persoas.
Balseiro explicou tamén que empregar este novo combustible permitirá un aforro substancial e unha mellor protección ambiental o que evita problemas coas autoridades comunitarias en materia de emisión de gases invernadoiro
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
