O MÉRCORES PRESÉNTANSE EN SANTIAGO AS XORNADAS TÉCNICAS EXPOMAR 2012 E O ENCONTRO EMPRESARIAL E DE ORGANIZACIÓNS PESQUEIRAS QUE SE CELEBRARÁN EN BURELA A VINDEIRA SEMANA.
Burela, 1 de maio de 2012. Mañá mércores, 2 de maio, ás 13 horas terá lugar na Galería de Sargadelos en Santiago de Compostela a presentación das XI Xornadas Técnicas Expomar 2012 e do XIII Encontro Empresarial e de Organizacións Pesqueiras que se celebrarán en Burela o vindeiros 10 e 11 de maio.
Na rolda de prensa comparecerán: Juan Carlos Maneiro, secretario xeral do Mar da Xunta de Galicia; Pablo Fernández Asensio, xefe de coordinación da Área do Mar; José Mª González Barcia, presidente da Fundación Expomar e alcalde de Burela e Patricia López Eijo, secretaria da Fundación Expomar e concelleira do Mar en Burela. Ao acto asistirán como convidados representes da confraría de pescadores de Burela, de Armadores de Burela, da Capitanía Marítima Provincial, da O.P.P. 07, da Federación de Confrarías de Lugo, de Astilleros Armón e da Fundación Expomar, entre outros.
Tanto Absa, como a confraría de pescadores e Capitanía Marítima forman parte do comité organizador das xornadas técnicas que terán lugar o 10 e o 11 de maio en Burela.
Ao longo da segunda semana do presente mes de maio a vila será escenario de diversas actividades vinculadas ao mundo do mar. Ademáis das xornadas técnicas Expomar 2012 Burela será escenario o día 12 do VI Encontro de Palilleiras, que se desenvolverá na nave de redes. Esta cita está organizada pola Fundación Expomar e pola asociación cultural e artesanal de mulleres palilleiras de Burela. Do encaixe e das súas vinculacións co mundo do mar falará a directora da Mostra do Encaixe de Camariñas, Mª Dolores Lema Mouzo, que pronunciará unha conferencia en Burela o vindeiro 9 de maio. Mª Dolores Lema Mouzo falará sobre As orixes do encaixe de Camariñas e a súa comercialización: unha actividade á beira do mar. A charla será ás 19 horas no salón de conferencias da antiga biblioteca. Mª Dolores Mouzo acudirá a Burela acompañada pola concelleira de Encaixe e Turismo de Camariñas, Sandra Insúa Rial.
Pxom
González Barcia tamén manterá mañá, 2 de maio, en Santiago sendas reunións en Augas de Galicia e en Portos de Galicia para abordar aspectos relativos ao Plan Xeral de Ordenación Municipal. Un dos temas a analizar será a nova EDAR programada na zona portuaria.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
