Explica o PP que o pleno de Cervo apoiou as súas iniciativas de pedir a redución da tarifa eléctrica de Alcoa e que a Deputación colabore coa Xunta na axuda no fogar

O PLENO DE CERVO APOIA, A PROPOSTA DO PARTIDO POPULAR, INSTAR AO GOBERNO DO ESTADO A NEGOCIAR UNHA REDUCIÓN DA TARIFA ELÉCTRICA DE ALCOA PARA GARANTIR A VIABILIDADE FUTURA DO PROXECTO EMPRESARIAL E DOS EMPREGOS A EL ASOCIADOS

– Demanda tamén que a Deputación de Lugo colabore coa Xunta na financiación dos servizos da axuda no fogar, tal e como establece a normativa vixente.

Cervo, 1 de xullo de 2011.- O Pleno da Corporación Municipal de Cervo, aprobou na tarde-noite de onte, xoves 31 de maio de 2012, os seguintes acordos a proposta do Grupo Municipal do Partido Popular:

EN APOIO DA VIABILIDADE E FUTURO DE ALCOA:

1.°) Trasladarlle ao Goberno de España a recomendación de impulsar un acordo urxente de prezos entre as empresas produtoras de electricidade e os grandes consumidores, que implique unha minoración dos actualmente vixentes ata o 31 de decembro, e un horizonte superior a cinco anos, que faga posible o desenvolvemento dos plans estratéxicos das industrias afectadas.
2.°) Solicitar unha revisión das tarifas de acceso para os grandes consumidores de enerxía que inclúan só e exclusivamente os custos asociados ás redes e aos de operación do sistema.
3.°) Instar que se manteña o servizo de xestión de interrumpibilidade da demanda.
4.°) Dirixirse á Xunta de Galicia para que poña en valor o carácter estratéxico das plantas de Alcoa en Galicia, pola súa produción de alumina e aluminio, polo súa achega ao valor engadido e polo volume de emprego xerado.

EN APOIO DOS SERVIZOS MUNICIPAIS DE AXUDA NO FOGAR E PARA QUE A DEPUCIÓN DE LUGO CUMPRA A SÚA OBRIGA LEGAL DE COLABORAR NO FINANCIAMENTO DOS MESMOS:

PRIMEIRO.- Instar á Xunta de Galicia a que continúe financiando o servizo de axuda no fogar para persoas con dependencia e os traballadores de referencia na área social de tódolos concellos de Galicia, e a axilizar o financiamento destes dous apartados co fin de mellorar a capacidade económica das administracións locais. Así como, garantirá naqueles concellos que superen os 20.000 habitantes, ou aqueles que coordinando servizos e presentando a solicitude sumen máis de 20.000 habitantes, o financiamento do servizo de axuda no fogar básico
SEGUNDO.- Instar á Deputación de Lugo a que cumpra co establecido na Lei 5/1997, de 22 de xullo, de Administración local de Galicia e na Lei 13/2008, de 3 de decembro, de servizos sociais de Galicia, prestando apoio técnico, económico e xurídico aos concellos para que desenvolvan as competencias que lle son propias en materia de servizos sociais comunitarios. Así mesmo, deberá manterse a necesaria colaboración e coordinación entre Xunta e Deputación, asegurando a Deputación de Lugo o financiamento do servizo de axuda no fogar básico e do persoal técnico dos equipos municipais de servizos sociais comunitarios básicos con perfís profesionais diferentes e complementarios ao do traballador social de referencia para as corporacións locais dos concellos de menos de 20.000 habitantes.

—————-

Mocións

O GRUPO MUNICIPAL DO PARTIDO POPULAR no Concello de Cervo a través do seu portavoz D. JOSE MANUEL BALSEIRO OROL en base á lexislación vixente, presenta a seguinte

MOCIÓN DO PARTIDO POPULAR SOBRE O FINANCIAMENTO DO SERVIZO MUNICIPAL DE AXUDA NO FOGAR

EXPOSICIÓN DE MOTIVOS

A Lei 13/2008, de 3 de decembro, de servizos sociais de Galicia, aprobada polo Goberno bipartito da Xunta de Galicia en 2009 e o Decreto que a desenvolve, aprobado en 2012, establecen as competencias e procedementos para axilizar e optimizar o financiamento destes servizos prestados polas entidades locais.

A mellora prodúcese, fundamentalmente, a través de dúas vías: permítense anticipos das axudas para a prestación dos servizos sociais comunitarios básicos –que se destinan, principalmente, a gastos de persoal e servizo de axuda a domicilio básica-; e pásase a liquidar trimestralmente, e non anualmente como ata agora, os pagamentos pola prestación do servizo de axuda no fogar de titularidade municipal para persoas dependentes.

A normativa incide tamén nun punto esencial para a prestación dos servizos públicos en xeral, e dos servizos sociais en particular. Deste xeito, articula unha maior coordinación en todo o Sistema galego de servizos sociais. Unha rede na que interveñen as distintas administracións da comunidade (local, provincial e autonómica), sendo de competencia municipal os servizos comunitarios básicos e os comunitarios específicos que deben desenvolverse –baixo a planificación da Xunta de Galicia- de xeito coordinado entre diferentes administracións

Para conseguilo, determina de forma exacta as competencias dos concellos, das deputacións e da propia Xunta de Galicia. En concreto, establece tamén que, de acordo coa Lei de Administración Local e coa Lei de Servizos Sociais, as deputacións prestarán “asistencia económica, técnica e xurídica” aos concellos con menos de 20.000 habitantes na execución das súas competencias en materia de servizos sociais comunitarios básicos. A nova normativa favorece tamén que os concellos se unan para solicitar conxuntamente os distintos servizos, sendo posible superar nas ditas agrupacións os 20.000 habitantes.

O incremento na prestación dos servizos sociais comunitarios e específicos e o axuste orzamentario ó que se están a ver obrigadas todas as administracións fan necesaria a existencia de liñas de financiamento estables no tempo, coordinadas e planificadas, entre as distintas administracións competentes, nun ou noutro nivel, en materia de servizos sociais.

Por todo isto e en aras de mellorar o sistema de financiamento e de atención ós servizos sociais e garantir a achega dun servizo de calidade á cidadanía, é polo que somete á consideración das e dos concelleiros a seguinte:

Proposta de acordo

O Pleno da Corporación municipal acorda

PRIMEIRO.- Instar á Xunta de Galicia a que continúe financiando o servizo de axuda no fogar para persoas con dependencia e os traballadores de referencia na área social de tódolos concellos de Galicia, e a axilizar o financiamento destes dous apartados co fin de mellorar a capacidade económica das administracións locais. Así como, garantirá naqueles concellos que superen os 20.000 habitantes, ou aqueles que coordinando servizos e presentando a solicitude sumen máis de 20.000 habitantes, o financiamento do servizo de axuda no fogar básico

SEGUNDO.- Instar á Deputación de Lugo a que cumpra co establecido na Lei 5/1997, de 22 de xullo, de Administración local de Galicia e na Lei 13/2008, de 3 de decembro, de servizos sociais de Galicia, prestando apoio técnico, económico e xurídico aos concellos para que desenvolvan as competencias que lle son propias en materia de servizos sociais comunitarios. Así mesmo, deberá manterse a necesaria colaboración e coordinación entre Xunta e Deputación, asegurando a Deputación de Lugo o financiamento do servizo de axuda no fogar básico e do persoal técnico dos equipos municipais de servizos sociais comunitarios básicos con perfís profesionais diferentes e complementarios ao do traballador social de referencia para as corporacións locais dos concellos de menos de 20.000 habitantes.
———————

O GRUPO MUNICIPAL DO PARTIDO POPULAR no Concello de Cervo a través do seu portavoz D. JOSE MANUEL BALSEIRO en base á lexislación vixente, presenta a seguinte

MOCIÓN DO PARTIDO POPULAR SOBRE OS CUSTOS DERIVADOS DA TARIFA ELÉCTRICA E O APOIO Á COMPETITIVIDADE DA EMPRESA ALCOA EN GALICIA

EXPOSICIÓN DE MOTIVOS

A empresa multinacional do aluminio Alcoa, con centros de traballo en San Ciprián e A Coruña, representa para A Mariña lucense o seu principal motor económico e laboral. De feito, os últimos datos coñecidos, indicaban que a factoría mariñá xera máis de 1.700 empregos directos e máis de 500 indirectos.

Alcoa, ademais de ser unha das mellores factorías de alúmina-aluminio do mundo, é unha das empresas máis importantes desde o punto de vista industrial de Galicia. Así por exemplo é clave para provincias como a nosa, a de Lugo, xa que só a actividade de Alcoa representa o 30% do PIB lucense.

Dada a importancia que este proxecto industrial ten en Galicia -e para A Mariña en particular- resulta evidente a necesidade de priorizar todos os apoios que se estimen necesarios para o mantemento da súa actividade, a viabilidade futura da empresa e do volume de emprego a ela asociada.

Tras o acceso á responsabilidade de goberno na Xunta do Partido Popular, déronse pasos nesta liña como son os convenios de colaboración asinados con Alcoa San Ciprián e Alcoa A Coruña para pór en marcha un proxecto de gasificación destas plantas, que supuxeron a mobilización duns investimentos de máis de 2,6 millóns e 1,5 millóns de euros respectivamente.

O apoio da Consellería de Economía e Industria a esta compañía permitirá a substitución do combustible actual, fuel-oil, por gas natural nos procesos produtivos das factorías así como o impulso definitivo ao inicio da tramitación do Gasoduto da Mariña.

Con todo, o principal reto da compañía está no custo derivado da tarifa eléctrica que paga. Para empresas como Alcoa, grandes consumidores de enerxía -con consumos equivalentes a 33.000 fogares- a factura eléctrica representa un dos gastos máis importantes da súa conta de explotación: seis veces o custo de amortizacións e cargas financeiras, tres veces o custo da man de obra directa, dúas veces a suma dos gastos fixos máis gastos de mantemento, administración, xerais e de ventas.

Neste campo os máis de 24 mil millóns de euros de déficit da tarifa eléctrica herdados tras a máis que cuestionable xestión de dúas lexislaturas socialistas no Estado -só en oito anos multiplicaron por 17 este déficit tarifario- obrigan a unha revisión forzosa do marco enerxético do noso país e, polo tanto, a unha variación das tarifas a particulares e empresas.

Ao obxecto de contribuír ao debate sobre o novo réxime tarifario e facelo desde a defensa dos intereses de Galicia tanto o Goberno galego como o Parlamento de Galicia teñen adoptado unha serie de acordos que, trasladados ao Ministerio de Industria, buscan conseguir que se adopten as medidas precisas para que Alcoa en Galicia e en España, manteña como mínimo os niveis de emprego actuais.

Na procura de reforzar estas reivindicacións, o Partido Popular estima necesario sumar aos distintos concellos e ao conxunto dos integrantes das Corporacións Locais da Mariña lucense. Faino como un exercicio de responsabilidade coa principal industria da comarca. E ademais en base ao texto consensuado e aprobado por unanimidade no Parlamento de Galicia o 10 de abril de 2012.

É polo que somete á consideración das e dos concelleiros a seguinte:

Proposta de acordo

O Pleno da Corporación municipal asume como propia a moción aprobada por unanimidade no Pleno do Parlamento de Galicia que tivo lugar o 10 de abril de 2012 e, en consecuencia acorda:

1.°) Trasladarlle ao Goberno de España a recomendación de impulsar un acordo urxente de prezos entre as empresas produtoras de electricidade e os grandes consumidores, que implique unha minoración dos actualmente vixentes ata o 31 de decembro, e un horizonte superior a cinco anos, que faga posible o desenvolvemento dos plans estratéxicos das industrias afectadas.

2.°) Solicitar unha revisión das tarifas de acceso para os grandes consumidores de enerxía que inclúan só e exclusivamente os custos asociados ás redes e aos de operación do sistema.

3.°) Instar que se manteña o servizo de xestión de interrumpibilidade da demanda.

4.°) Dirixirse á Xunta de Galicia para que poña en valor o carácter estratéxico das plantas de Alcoa en Galicia, pola súa produción de alumina e aluminio, polo súa achega ao valor engadido e polo volume de emprego xerado