GONZÁLEZ BARCIA DESÉXALLES A VECIÑOS E VISITANTES QUE DISFRUTEN DAS FESTAS PATRONAIS DE BURELA, QUE HOXE ENTRAN NA SÚA FIN DE SEMANA GRANDE. O REXEDOR AGRADECE O TRABALLO DAS PERSOAS QUE ELABORARÁN MAÑÁ A ALFOMBRA FLORAL, O APOIO DO COMERCIO E DAS EMPRESAS E A DEDICACIÓN DA COMISIÓN ORGANIZADORA.
Burela, 1 de xuño de 2012. O alcalde, José María González Barcia, deséxalles a veciños e visitantes que disfruten das festas patronais de Burela, que entran na súa fin de semana grande. O rexedor pídelles que tenten evadirse dos problemas que “nos preocupan” e que “carguen as pilas porque o futuro que nos espera é laborioso”. González Barcia ten palabras de agradecemento para as persoas que elaboran a alfombra floral, para a comisión organizadora destes festexos e para todo o comercio e os empresarios polo seu apoio a esta cita.
José María González Barcia dixo que “como alcalde o que teño é que desaxarlles a todos os cidadáns deste concello e a todos os visitantes, que van ser moitos seguramente os que estean con nós estes días, que disfruten ao máximo posible das festas, que disfruten dos amigos e da familia. E intentar evadirnos un pouco dos problemas que día a día nos están ocupando e preocupando e que son moitos, por desgracia, nas épocas que estamos a vivir. O que lle pido á xente é que disfruten as festas, que o pasen o ben e que carguen as pilas porque o futuro que nos queda por diante é laborioso, pero estou completamente seguro de que traballando todos xuntos saimos desta, porque Burela cando quere saír sae. E agardar que tanto os actos lúdicos como os relixiosos teñan a brillantez que todos esperamos”.
O rexedor sinalou que “hoxe venres a partires das once e media a noite contaremos con dúas orquestras importantes como son Garibaldi e París de Noia, que seguramente concentrarán a moita xente no porto. Moita xente se concentrará tamén mañá na procesión que recorre a alfombra floral, e xa pola mañá incluso durante a elaboración da mesa. Quero agradecerlles fondamente no nome de todos os cidadáns deste Concello ás múltiples persoas que ano tras ano participan na elaboración da alfombra e nos traballos previos, que son moitos e moi duros. Creo que eles merecen todo o noso recoñecemento e o noso aplauso”.
Mañá sábado ás 10 da mañá darán comezo os traballos de elaboración da alfombra floral pola que discorrerá a partires das 21:30 horas a baixada das imaxes ao porto.
Barcia engadiu que “xa o domingo, si o tempo axuda, celebraráse a misa solemne e a tradicional procesión marítima que se ven realizando desde o ano 1946. Será a partires das 12 da mañá no porto. Intentaremos que sexa un día no que todos poidamos homenaxear á Virxe do Carme como preámbulo da saída dos barcos á costeira do bonito. E o luns xa é un día moito máis íntimo, é un día para a xente do pobo, pero tamén ten a súa relevancia con esa procesión de subida das imaxes hacia a igrexa”.
O alcalde de Burela tamén tivo palabras de agradecemento para a comisión de festas “polo seu traballo e agradecerlle especialmente a todo o comercio, autónomos e empresarios deste concello que se volcaron con esta celebración, nesta situación que estamos a vivir, para que as festas de Burela sexan tan dignas coma as de calquera outro ano”.
Centinela
A Corporación Municipal de Burela será recibida mañá ás 13 horas no patrullero Centinela, que estará atracado no porto. O horario de visita a esta embarcación para todos os que desexen coñecela será mañá sábado de 16 a 19 horas, e o domingo de 10 a 12:30 horas. Trátase dunha xornada de portas abertas coincidindo coa celebración do día das Forzas Armadas.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
