A instalación da rede de gas natural en Cervo continúa na rúa dos Campos de San Ciprián
-Trátase da continuación dos traballos de distribución da rede de gas natural iniciados hai dous anos no termo municipal
-Nesta nova fase a empresa Gas Galicia instalará uns 290 metros de canalización
Cervo, 4 de xuño de 2012-As obras de instalación da rede de subministro de gas natural no termo municipal de Cervo entran nunha nova fase. Nesta ocasión os traballos, iniciados nestes días e que durarán unhas dúas semanas aproximadamente, estanse acometendo na rúa dos Campos de San Ciprián coa colocación de 290 metros de canalización.
O proxecto arrincara hai dous anos cando o Concello de Cervo conseguira entrar nos plans de gasificación asinados entre a empresa Gas Galicia e a Xunta co obxectivo de favorecer a extensión do gas natural por toda a comunidade galega. Neste senso cabe lembrar que o proxecto do gasoduto do transporte secundario que atravesará toda a Mariña está nos últimos trámites administrativos. Aínda así, o goberno local conseguira no seu momento adiantar o subministro de gas natural a Cervo, inicialmente a través dunha planta satélite de regasificación de gas natural licuado situada no polígono industrial de Cuíña.
O alcalde de Cervo, Alfonso Villares e a edil de Medio Ambiente, Begoña Alonso, achegáronse estes días ata a zona das obras para comprobar o seu desenvolvemento. O rexedor manifestou que dende o goberno local “estamos traballando para ser pioneiros no achegamento de infraestruturas e servizos básicos, como é o caso do gas natural, e así poñer ao dispor da veciñanza opcións enerxéticas alternativas á corrente eléctrica co obxectivo de ampliar a oferta e as posibilidades de elección”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
