ECONOMÍA E INDUSTRIA CONTRIBÚE AO AFORRO DE 65 MILLÓNS DE EUROS ANUAIS A TRAVÉS DO PROGRAMA DE ACCIÓNS PARA A EFICIENCIA ENERXÉTICA
O transporte é o sector con mellores rateos de aforro enerxético, cun 41% do total, o que permitiu unha diminución de custos de case 40 millóns de euros anuais
A actuacións desenvolvidas na industria da edificación e do equipamento doméstico beneficiaron a máis de 135.000 familias galegas que puideron mellorar a eficiencia enerxética das súas vivendas
Os concellos galegos suman 429 proxectos de eficiencia enerxética en iluminación pública e máis de medio cento de auditorías enerxéticas nos últimos tres anos
Con respecto á industria, desenvolvéronse 168 proxectos de aforro e eficiencia enerxética e preto de 200 auditorías e estudos de viabilidade para mellorar a súa competitividade
Coa posta en marcha destes programas estase a evitar a emisión a atmosfera de 215.000 toneladas de CO2 cada ano
Santiago, 27 de agosto de 2012.- A Consellería de Economía e Industria, a través do Instituto Enerxético de Galicia (Inega), está a contribuír ao aforro de 65 millóns de euros anuais como resultado das actuacións de aforro e eficiencia enerxética promovidas nos últimos tres anos. Así o deu a coñecer hoxe, en rolda de prensa, o director do Inega, Eliseo Diéguez García: “O aforro enerxético é un dos piares básicos da política enerxética da Xunta de Galicia. As actuacións que temos desenvolvido nesta lexislatura abranguen todos os sectores da economía galega, e permiten, a día de hoxe, un aforro enerxético anual próximo ás 85.000 toneladas equivalentes de petróleo, o que se traduce nun aforro económico anual de 65 millóns de euros”.
Así mesmo, e como destacou Diéguez, compre salientar, tamén, o importante beneficio ambiental que se derivou de todo o programa de accións: “Para o desenvolvemento deste plan, a Consellería leva investidos preto de 60 millóns de euros nos últimos tres anos, que, ao marxe da evidente mellora na competitividade dos sectores, traducida en importantes aforros económicos, supón tamén unha notable repercusión ambiental. En total, o programa de accións está a evitar nestes momentos a emisión á atmosfera de preto de 215.000 toneladas de CO2”.
Por sectores, o transporte é onde se obtiveron as mellores rateos de aforro enerxético, cun 41% do total, o que permite unha diminución de custos nesta industria de case 40 millóns de euros por exercicio. Neste ámbito téñense desenvolvido numerosos plans de transporte en empresas e centros de traballo que perseguen diminuír o consumo de enerxía dos traballadores. A execución de plans de mobilidade urbana sustentable, o desenvolvemento de infraestruturas de recarga de vehículos eléctricos, as actuacións para a mellora de xestión de flotas do transporte por estrada, ou o fomento do emprego da bicicleta nos municipios galegos son outras das accións promovidas.
A continuación, sitúanse as actuacións realizadas no eido da edificación e do equipamento doméstico, que acaparan un 24% do total de aforro enerxético obtido, e que alcanzaron a máis de 135.000 familias galegas cun beneficio económico anual superior aos 10 millóns de euros. Desenvolvéronse aquí proxectos de rehabilitación da envolvente térmica en vivendas e edificios así como distintos plans Renove como o de fiestras, o de Equipos de Climatización ou de Iluminación Interior. Ademais, leváronse a cabo proxectos de mellora das instalacións térmicas en máis de dous centenares de vivendas da comunidade, promocionouse a certificación enerxética de edificios e executáronse máis de 2.000 inspeccións de eficiencia enerxética.
Pola súa banda, os servizos públicos sumaron o 22% do aforro enerxético do total do programa de actuacións. Destaca neste campo a execución de 429 proxectos de eficiencia enerxética en iluminación pública en concellos galegos. Ademais, realizáronse máis de medio cento de auditorías enerxéticas municipais e formouse a 200 técnicos na xestión enerxética dos concellos. A través destas actuación acádase un aforro económico de 8 millóns de euros por exercicio.
Por último, o sector industrial e primario obtivo un 13% do aforro enerxético grazas a realización de 168 proxectos de aforro e eficiencia enerxética ou de preto de 200 auditorías e estudos de viabilidade. O aforro económico nesta área ascende ata os cinco millóns de euros anuais.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
