O Concello lamenta os caprichos do PSOE que quere acudir aos actos municipais e cando é invitado non aparece
Cervo, 22 de agosto 2012-O alcalde de Cervo, Alfonso Villares, amosouse sorprendido polas declaracións do grupo municipal socialista sobre as invitacións aos grupos da oposición aos actos do Concello. Uns actos aos que “aínda que sexan convidados, non sempre acoden” engade Villares. “Cando son convidados non se presentan, e cando non se lles invita, queren acudir. Semella que buscan confundir e xogar ao despiste, pero no Concello non estamos para perder o tempo cos caprichos da oposición, da que se agardan actitudes máis adultas”. Villares engade que “os socialistas son os únicos que poñen en dúbida que os actos que organiza o goberno local son sempre actos do Concello, e que os partidos políticos quedan á marxe” aínda que “a súa confusión pódese deber a que a Deputación ten moita experiencia nisto de mesturar a acción de Goberno coa cor política”.
O rexedor lémbralle aos socialistas que “o Concello está formado por tres partidos políticos, pero é o goberno local, co alcalde á cabeza, o que representa ao Concello”. Villares transmítelle ao grupo municipal socialista “que estea tranquilo, que o Concello está representado segundo decidiu a veciñanza cos seus votos” e ao mesmo tempo asegúralle que “os veciños e veciñas vanse lembrar máis deles se se dedican a facer xestións que beneficien ao municipio na contra de estar pendentes de sentirse invitados a actos”.
“Con estes caprichos e con estes xogos de se me invitan non acudo e se non me invitan protesto están desatendendo aos veciños e veciñas, e non sei se o lembran, pero teñen moitas tarefas pendentes” manifesta o mandatario cervense. “O que ten que facer a voceira do PSOE de Cervo é tentar convencer á vicepresidenta segunda da Deputación para que traballe polos cervenses, e teno moi doado porque ambas son a mesma persoa” manifesta o rexedor. “Hai actuacións moi urxentes e que levan máis dun lustro pendentes, como a adquisición dos terreos para a ampliación do Museo do Mar. Tamén ten que ocuparse de mercar os terreos para a execución dos accesos ao polígono industrial de Cuíña, ou retirar a multa de 20.000 euros que parece posta a traizón para minguar os recursos públicos do Concello”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
