O Goberno Provincial denuncia que as “chapuzas” da Xunta no sector eólico poñen en perigo 9.000 empregos en Lugo
– O voceiro socialista esíxelle a Feijóo que explique o freo ilegal do concurso eólico que xeraría 7.000 traballos e a demora da reforma enerxética clave para manter os 2.000 de Alcoa
– A Deputación aproba unha nova medida de redución de gastos correntes, acadando unha rebaixa de 3 centimos no litro de gasóleo e de 1,8 céntimos no de gasolina
O Goberno Provincial denunciou hoxe que as “chapuzas” da Xunta no sector eólico están a poñer en perigo a lo menos 9.000 empregos en Lugo polo que esixiu ó Presidente de dita administración, Alberto Núñez Feijóo, que de explicacións ós lucenses sobre o freo “ilegal” do concurso eólico e a demora da reforma enerxética que espera Alcoa. O voceiro socialista, Manuel Martínez, sentenciou que “Feijóo debe moitas explicacións ós veciños porque as súas malas xestións poden derivar na destrución dos 7.000 postos de traballo que xeraría o concurso eólico en Lugo e dos 2.000 da multinacional situada en Cervo”.
O voceiro remarcou que o Presidente galego “debe aclarar se priorizou os seus intereses partidistas ós dos cidadáns” logo de que o Tribunal Superior de Xustiza de Galicia declarase ilegal a suspensión do concurso eólico que aprobou o anterior Goberno galego e que paralizou o actual Executivo autonómico. Martínez subliñou que “Feijóo tenos que explicar por que freou esta iniciativa, facendo que en Lugo se destrúan os 7.000 empregos que xeraría; por que bloqueou esta oportunidade económica que inxectaría un investimento superior ós 2.200 millóns de euros na provincia só coa creación de novos parques eólicos; ou por que fixo que Lugo perdese o liderato en España no ranking de provincias coa maior produción de enerxía renovable, freando os novos 1.100 megawatios que lle correspondían co concurso eólico”. Neste senso e pola súa banda, o voceiro do BNG, Mario Outeiro, engadiu que “agora xa sabemos para onde irán os miles de cartos que Feijóo di que aforra cos seus recortes e que aínda non vimos nesta provinia: irán a parar a pagar as indemnizacións ás empresas adxudicatarios do concurso eólico”.
Á espera da aprobación da reforma enerxética por parte do Goberno Central con fin de determinar unha nova tarifa eléctrica para que Alcoa manteña a súa actividade na factoría cervense e, polo tanto, os 2.000 postos de emprego que xera en Lugo, Martínez tamén instou ó mandatario autonómico “que nos diga porque seguimos sen ter esta reforma cando nos aseguraron que estaría lista antes do mes de agosto e hoxe seguimos na mesma situación de incerteza debido, probablemente, ás discrepancias entres os seus compañeiros de partido e Ministros de Industria e Facenda”.
Nova redución de gastos correntes
A Xunta de Goberno deste venres aprobou a contratación de combustible para a maquinaria do Parque Móbil, un departamento, explicou o voceiro socialista, que se traslada por toda a provincia para realizar melloras de vías municipais, aforrando miles de custes ós Concellos. “Mentres o PP mantiña as máquinas no garaxe, empregándoas en base ós seus intereses, nós descentralizamos este servizo, poñéndoo a dispoción dos municipios”, indicou. Dentro da aposta pola redución de gastos correntes, aforrando cartos para impulsar iniciativas que xeren emprego e combatan ó despoboamento demográfico na provincia, as xestións do Goberno Provincial supuxeron una nova e maior redución no prezo de adquisición de combustible. Deste xeito, por cada litro de gasóleo a institución luguesa aboará 3 céntimos menos do prezo fixado no mercado –en 2011 a redución foi de 1,5 céntimos- e por cada litro de gasolina pagará 1,8 céntimos menos –en 2011 a rebaixa foi de 1 céntimo- .
Hoxe o prezo do litro de gasoleo sitúase en 1,40 euros. A maquinaria do Parque Móbil consume 17.000 litros de gasoleo ó mes polo que, segundo os prezos do mercado, o organimo lugués debería pagar 23.800 euros, cantidade que se reduce en 500 euros mensuais, que supoñen 6.000 euros de aforro ó ano. Pola súa banda, o litro de gasolina custa 1,50 euros e a Deputación emprega uns 1.200 litros ó mes polos que tería que aboar 1.800 euros, cifra que disminúe en 200 euros, colevando un aforro anual de 2.400 euros.
A estimación do organismo lugués é consumir como moito 282.000 litros de combustible para os que se achegarán como máximo 323.000 euros.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
