UN ESTUDO DE ECONOMÍA E INDUSTRIA DETECTA QUE AS EMPRESAS MADEIREIRAS PODEN AFORRAR 46.000 EUROS AO ANO EN ENERXÍA E DIMINUIR O 20% DO SEU CONSUMO ENERXÉTICO
Serradoiros, carpintarías e moblarías presentan un consumo enerxético medio que supón o 1,7% da súa facturación cun custo aproximado de 230.000 euros
A substitución de lámpadas por outras máis eficientes, a adecuación da factura aos consumos, o control de sistemas de climatización permiten diminuír o gasto
Galicia suma máis de 3.500 empresas que, no caso de implementar as medidas propostas, obterían un aforro enerxético que se traduciría nun aforro económico de 160 millóns de euros
Santiago, 31 de agosto de 2012.- A Consellería de Economía e Industria, a través do Instituto Enerxético de Galicia (Inega), ven de publicar un estudo de optimización enerxética na industria da madeira, seleccionando máis de 20 empresas do sector representativas da actividade, tanto polas súas dimensións e características como polos campos de actuación, co obxectivo de reducir os custos de funcionamento, incrementar a produtividade e a competitividade desta industria.
O director do Inega, Eliseo Diéguez García, acompañado polo director de CIS Madeira, Fernando Sanz Infante, e pola secretaria xeral de Confemadera, Ana Oróns, presentou hoxe en rolda de prensa os resultados deste estudo que, segundo salientou, amosan “unhas posibilidades de aforro enerxético medio dun 15% do consumo total das empresas, porcentaxe que se eleva ao 20% na súa equivalencia para o aforro económico, o que supón que estas empresas poden reducir os seus custos en materia enerxética nunha media anual de 46.000 euros”.
O responsable do Inega salientou que as empresas do sector presentan un consumo enerxético medio de 211,66 tep de enerxía, o que implica o 1,7% da súa facturación e un custo medio aproximado de 230.000 euros. Máis da metade da enerxía que se consome é electricidade, que acapara un 79% do gasto económico.
Así mesmo, e como salientou Diéguez, a industria da madeira aglutina a máis de 3.500 empresas, o que supón que, no caso de implementar estas medidas ao conxunto da industria, “obteríase un aforro enerxético próximo aos 111.120 tep/ano, que se traduciría nun aforro económico de 160 millóns de euros”.
Posibilidades de aforro
O documento aborda diversos campos que van desde a tipoloxía dos procesos produtivos ata a análise dos consumos enerxéticos, desglosando, de xeito detallado, as múltiples opcións para acadar os máximos aforros enerxéticos. Entre as propostas para reducir gasto inclúense a substitución de lámpadas por outras máis eficientes, con aforros que superan o 10% do custo do investimento; a adecuación da factura eléctrica aos consumos, que permiten un aforro medio nas empresas do sector de máis de 2.000 euros ao ano; o emprego de variadores de frecuencia en motores eléctricos; ou a revisión das instalacións de aire comprimido. Así mesmo, as empresas do sector da madeira poden aproveitar a biomasa residual que obteñen do seu proceso produtivo para producir calor, reducindo o consumo térmico ata un 50%.
O estudo, que xa está ao dispor do sector e dos cidadáns na web www.inega.es, achegarase tamén ás industrias do sector da madeira coa distribución de 500 exemplares, do estudo.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
