Unhas 400 persoas de tódalas idades participaron xa nas actividades de lecer ecolóxico de Lugoteando
– A xornada que tivo lugar hoxe en Foz reuniu a un centenar de mozos e maiores, que se suman ós 300 que gozaron xa do programa en Monforte, Vilalba e Viveiro
– As seguintes citas da iniciativa coa que a Deputación aproveita os recursos medioambientais da provincia para xerar riqueza son o día 25 na Fonsagrada e entre o 7 e o 9 de setembro, en Lugo
– Para inscribirse hai que chamar ós números de teléfono 982-12-00-64 ou 609-90-32-11, ou ben facelo na web www.deputacionlugo.org
Unhas 400 persoas de tódalas idades participaron xa nas actividades de lecer ecolóxico de Lugoteando nos catro concellos nos que se leva celebrado esta iniciativa impulsada pola Deputación para consolidar o medio ambiente como oportunidade económica da provincia. Deste xeito, o centenar de mozos e maiores que reuniu a xornada celebrada este domingo en Foz súmase ós 300 que gozaron xa das actividades en Monforte, Vilalba e Viveiro.
Surf, kite surf e paddle surf, así como paseos en bolas e bananas acuáticas, scooters acuáticos, skates eléctricos e long board foron as alternativas que ofreceu hoxe o programa na praia focense da Rapadoira, entre as 15:00 e as 20:00 horas.
A Deputación decidiu ampliar este ano, na súa terceira edición, o programa Lugoteando, tanto en número de concellos, como na duración, para que máis familias e xente nova poidan gozar das súas propostas e seguir potenciando o turismo, un sector que representa o 30% do PIB lucense. Deste xeito, a iniciativa inclúe esta vez actividades por toda a provincia e prolónganse durante tres meses, de xullo a setembro, fronte os dous das últimas edicións.
As seguintes citas de Lugoteando están fixadas para a próxima fin de semana, o 25 de agosto, na Praza do Museo da Fonsagrada, e para entre os días 6 e 9 de setembro, no río Miño ó seu paso pola capital lucense.
Para inscribirse
A inscrición pode facerse chamando ós números de teléfono 982-12-00-64 ou 609-90-32-11; a través da web da Deputación www.deputacionlugo.org na que o usuario pode descargar un formulario que debe enviar cuberto á dirección lugoteando@deputacionlugo.org ou ben in situ, antes de que comece cada actividade. Esta última opción non garante que haxa prazas libres. No caso dos menores de idade, terán que presentar unha autorización asinada polos pais ou titores, que poden descargar na web e enviar por correo a lugoteando@deputacionlugo.org ou ben presentar antes do inicio das actividades nas que desexen participar.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
